2016-04-06 13:53:43, 796 ნახვა
სამართალი
საქალაქო სასამართლოში ჩხუბის გამო რამდენიმე პირი დააკავეს
თბილისის საქალაქო სასამართლოს ეზოში „თავისუფალი ზონის“ წევრებს და ჟურნალისტ ზაზა დავითაიას შორის ფიზიკური დაპირისპირება მოხდა. დაპირისპირებაში მხარეების მხარდამჭერებიც მონაწილეობდნენ.
ინციდენტის დროს რამდენიმე ადამიანი დააკავეს. დაკავებულებს შორის ორივე მხარის წარმომადგენლები არიან.
დაპირისპირება დარბაზში დაიწყო და შემდეგ გარეთ სასამართლოს ეზოში გაგრძელდა.
პროცესზე ზაზა დავითაიას ცემის ფაქტი განიხილებოდა.
აღნიშნულ საქმეზე ბრალდებულები თავისუფალი ზონის“ წევრები ფარნაოზ ჭკადუა და დავით გოგოხია არიან.
საპატრულო პოლიციის ჩარევის შედეგად დაპირისპირება განიმუხტა.
სასამართლოში ამ დროისთვის სიმშვიდეა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
