„მომდევნო თვეები გადამწყვეტი იქნება ქვეყნის მომავლისთვის და სწორედ ამ პერიოდში გაირკვევა, დარჩება თუ არა საქართველო თავისუფალი ევროპული დემოკრატია, თუ რუსეთის გავლენის სფეროში მოხვდება“, - განაცხადა საქართველოს მეხუთე პრეზიდენტმა The Washington Times-თან ინტერვიუში.

სალომე ზურაბიშვილმა ასევე აღნიშნა, რომ ქვეყანაში არჩევნები, სავარაუდოდ, ჩატარდება, მაგრამ უცნობია, თუ რა პირობებში ჩატარდება საარჩევნო პროცესი.

„ჩემი როლია გავაერთიანო ქართული საზოგადოება მომავლის გარშემო, ჩემი საკუთარი ხედვის გარშემო. ქვეყნის გარეთ, ჩემი როლი ასევე იმ საზოგადოების ხმაა, რომელსაც არსებითად აღარ აქვს ხმა. საელჩოები პარტიას ემსახურებიან“.

პროგნოზირებადია, რომ ამ ქვეყანაში არჩევნები ჩატარდება, მაგრამ არ ვიცით პირობები. შესაძლოა, დასუსტებული რეჟიმი გარკვეულ მომენტში დაიშალოს. შესაძლოა, მან გადაწყვიტოს არჩევნების ჩატარება მანამ, სანამ ძირითად პროცესებზე კონტროლს დაკარგავს. ან ჩვენ ნორმალურ საარჩევნო ციკლს გავივლით.

დასავლეთმა ახლავე უნდა მოემზადოს. ნებისმიერ შემთხვევაში, საჭირო იქნება რისკების პრევენცია, დახმარება და მონიტორინგი. „ძველი მეთოდები აღარ არის საკმარისი. გასული საუკუნის ეუთოს მონიტორინგი აღარ მუშაობს; ჩვენ სხვა სამყაროში ვცხოვრობთ, სადაც ხელოვნური ინტელექტიც კი გამოიყენება. „ვინც კავკასიას შეინარჩუნებს, ევროპას ცენტრალურ აზიასთან დამაკავშირებელ კორიდორსაც შეინარჩუნებს“, - განაცხადა ზურაბიშვილმა.

ავტორი: ექსპრესნიუსი,

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა