რუსეთმა ოდესაზე მასშტაბური დარტყმა განახორციელა. ხანძარი დაფიქსირდა 16-სართულიან შენობაში. ასევე დაზიანდა კიდევ ერთი მაღალსართულიანი შენობა, ხანძარი მე-11 და მე-12 სართულებზე გაჩნდა. ცნობილია ერთი დაშავებული.

ოდესის საქალაქო სამხედრო ადმინისტრაციის უფროსი სერგეი ლისაკი, უკრაინის საჰაერო ძალები და სახელმწიფო საგანგებო სიტუაციების სამსახური Telegram-ზ წერენ დარტყმების დეტალებს.

 „მტერმა კვლავ შეუტია ჩვენს ქალაქს. ხანძარი დაფიქსირდა 16-სართულიან შენობაში. ასევე გვაქვს დარტყმა კიდევ ერთ მაღალსართულიან შენობაზე, ხანძარი მე-11 და მე-12 სართულებზე გაჩნდა. ყველა საგანგებო სამსახური უკვე ადგილზეა. ამჟამად ვამოწმებთ ინფორმაციას დაშავებულებისა და ზარალის მასშტაბის შესახებ“.

დღეს საღამოდან მოყოლებული, რუსეთმა უკრაინის წინააღმდეგ 210 დრონი გაუშვა, მათ შორის დაახლოებით 140 Shahed-ის დრონი. საჰაერო თავდაცვის სისტემებმა მათგან 190 ჩამოაგდეს ან ჩაახშეს. 20 თავდასხმის უპილოტო საფრენი აპარატის დარტყმა დაფიქსირდა 14 ლოკაციაზე, ასევე ჩამოგდებული უპილოტო საფრენი აპარატების ჩამოვარდნები 10 ლოკაციაზე.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა