„ვიქტორ ორბანის არჩევნებში დამარცხებამ ბრიუსელში შვება და შადენფრეუდის ელფერიც კი გამოიწვია. ევროპელი ოფიციალური პირები იმედოვნებენ, რომ უნგრეთის ახალი მთავრობა მოლაპარაკებების მაგიდასთან უფრო პროევროპულ პოზიციას დაიკავებს“, - იუწყება CNN.

ევროკომისიის პრეზიდენტმა ფონ დერ ლაიენმა აღნიშნა: „უნგრეთმა ევროპა აირჩია. ევროპამ ყოველთვის უნგრეთი აირჩია. ერთად ჩვენ უფრო ძლიერები ვართ. ქვეყანა ევროპულ გზას იბრუნებს. ევროკავშირი უფრო ძლიერი ხდება“. ევროპარლამენტის პრეზიდენტმა მეცოლამ დასძინა, რომ უნგრეთი „თავის ადგილს იკავებს ევროპის გულში“.

საფრანგეთის პრეზიდენტმა მაკრონმა ხაზგასმით აღნიშნა, რომ გამარჯვება „აჩვენებს უნგრელი ხალხის ერთგულებას ევროკავშირის ღირებულებებისა და უნგრეთის როლის მიმართ ევროპაში“, ხოლო გერმანიის კანცლერმა მერცმა მოუწოდა გაერთიანებული ძალისხმევისკენ „ძლიერი, უსაფრთხო და გაერთიანებული ევროპისთვის“. ბრიტანეთის პრემიერ-მინისტრმა სტარმერმა არჩევნებს „ისტორიული მომენტი არა მხოლოდ უნგრეთისთვის, არამედ ევროპული დემოკრატიისთვისაც“ უწოდა.

პოლონეთის პრემიერ-მინისტრმა ტუსკმა ეს ლაკონურად შეაჯამა: „უნგრეთი. პოლონეთი. ევროპა. ისევ ერთად!“ და მადიარმა გამოაცხადა, რომ პრემიერ-მინისტრის რანგში მისი პირველი საზღვარგარეთული ვიზიტი პოლონეთში იქნებოდა.

დიდი ბრიტანეთის პრემიერმინისტრი კირ სტარმერი X-ზე წერს: 

“პიტერ მადიარ, არჩევნებში გამარჯვებას გილოცავთ. ეს ისტორიული მომენტია არა მხოლოდ უნგრეთისთვის, არამედ ევროპული დემოკრატიისთვისაც. მოუთმენლად ველოდები თქვენთან მუშაობას ჩვენი ქვეყნების უსაფრთხოებისა და კეთილდღეობისთვის".

„უნგრელმა ხალხმა საკუთარი ხმა მკაფიოდ და ხმამაღლა დააფიქსირა, მათ არჩევანს ყველამ პატივი უნდა სცეს. ძლიერი, დემოკრატიული ევროკავშირი, რომელიც დაფუძნებულია საერთო ღირებულებებზე, საერთო ინტერესებსა და ურთიერთპატივისცემაზე, ემსახურება ყველას ევროპაში და მის ფარგლებს გარეთ. ლატვია მზად არის, ითანამშრომლოს უნგრეთთან ამ მიზნების მისაღწევად" | წერს ლატვიის პრეზიდენტი ედგარს რინკევიჩი სოციალურ ქსელში

საპარლამენტო არჩევნების დასრულების შემდეგ მალევე, 12 აპრილს, ვიქტორ ორბანმა დამარცხება აღიარა და ოპონენტ პიტერ მადიარს გამარჯვება მიულოცა. უნგრეთის ოპოზიციის ლიდერს გამარჯვებას ულოცავენ მსოფლიო ლიდერებიც. ამ დროისთვის ხმების თითქმის 98%-ია დათვლილი და ოპოზიციური პარტიას - Tisza ხმების 53,59%, ორბანის პარტიას - Fidesz კი - 38,82% აქვს

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა