პროკრემლისტური “ევრაზიის ინსტიტუტის” ცნობით, თბილისში კონფერენციაზე ირანის ელჩთან და რუს დიპლომატთან ერთად იმსჯელეს ირანზე “ამერიკულ-ისრაული თავდასხმის უკანონობაზე”.

ინსტიტუტის ინფორმაციით, შეხვედრაში მონაწილეობდნენ პოლიტოლოგები, აღმოსავლეთმცოდნეები და ჟურნალისტები, ხოლო ირანის ელჩმა ალი სეიედ მოჯანიმ მონაწილეთა კითხვებს უპასუხა. დისკუსიაზე განიხილეს ომის გავლენა საერთაშორისო სამართალსა და რეგიონულ უსაფრთხოებაზე, ასევე ირანის წინააღმდეგობის მიზეზები და ჰუმანიტარული შედეგები.

მონაწილეების განცხადებით, ირანზე თავდასხმა საერთაშორისო სამართლის დარღვევაა და მას მძიმე პოლიტიკური და ეკონომიკური შედეგები აქვს.

„როგორც ძირითადი დისკუსიის მონაწილეთა – პოლიტოლოგებსა და აღმოსავლეთმცოდნეებს, ისე დარბაზში მსხდომ მსმენელებს (საერთო ჯამში 50-მდე კაცი იყო შეკრებილი) ადგილი არ ჰქონია არანაირ აზრთა სხვადასხვაობას ირანზე ამერიკულ-ისრაული თავდასხმის უკანონობასთან და რეგიონისა და მთელი მსოფლიოსთვის სახიფათო პოლიტიკურ შედეგებთან დაკავშირებით.
მეტიც, ბევრ მათგანს არ დაუფარავს თავისი სამოქალაქო პოზიცია და ადამიანურად გამოუცხადა სოლიდარობა მშვიდობიან ირანელებს, რომლებიც ყოველდღიურ დანაკარგებს განიცდიან, როგორც ეს მოხდა მინაბში, ენით აუწერელი ტრაგედიის დროს, როდესაც დაიღუპა 165-მდე გოგონა, სკოლის მოსწავლე“, -  წერია პროკრემლისტური „ევრაზიის ინსტიტუტის“ მიერ გავრცელებულ განცხადებაში

ავტორი: ექსპრესნიუსი,

სოციალური ქსელები

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა