აშშ-ს პრეზიდენტმა ტრამპმა „ახლო აღმოსავლეთის ისტორიაში ერთ-ერთი ყველაზე ძლიერი დაბომბვის კამპანია“ გამოაცხადა. ამის შესახებ, პრეზიდენტმა "ტრუს სოციალზე' დაწერა.

მან განაცხადა, რომ აშშ-ის ცენტრალურმა სარდლობამ „ახლო აღმოსავლეთის ისტორიაში ერთ-ერთი ყველაზე ძლიერი დაბომბვის კამპანია“ განახორციელა, მთლიანად გაანადგურა ყველა სამხედრო ობიექტი ხარგის კუნძულზე (კუნძული სპარსეთის ყურეში, რომელიც ირანის ნავთობპროდუქტების 90%-მდე ექსპორტის საზღვაო პორტია და სტრატეგიული მნიშვნელობისაა).

„ჩვენი იარაღი ყველაზე ძლიერი და დახვეწილია, რაც კი ოდესმე უნახავს მსოფლიოს, მაგრამ წესიერების პატივისცემის გამო, მე გადავწყვიტე, არ გავანადგურო კუნძულზე ნავთობის ინფრასტრუქტურა. თუმცა, თუ ირანი ან სხვა ვინმე გადადგამს რაიმე ქმედებას, რომელიც ხელს შეუშლის გემების თავისუფალ და უსაფრთხო გადაადგილებას ჰორმუზის სრუტეში, მე დაუყოვნებლივ გადავხედავ ამ გადაწყვეტილებას.

ირანს არ შეუძლია დაიცვას ის, რასაც ჩვენ გადავწყვეტთ თავდასხმის - მათ ამის შესახებ არაფრის გაკეთება არ შეუძლიათ! ირანს არასდროს ექნება ბირთვული იარაღი და ვერ შეძლებს საფრთხე შეუქმნას შეერთებულ შტატებს, ახლო აღმოსავლეთს ან, სხვათა შორის, მსოფლიოს! ირანელი სამხედროები და ყველა სხვა, ვინც ამ ტერორისტულ რეჟიმშია ჩართული, გონივრული იქნება, თუ იარაღს დაყრიან და გადაარჩენენ იმას, რაც მათი ქვეყნიდან დარჩა, რაც ძალიან მცირეა!“, - განაცხადა ტრამპმა.

ავტორი: ექსპრესნიუსი,

სოციალური ქსელები

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა