ხვალ მაგდა პაპიძის სასამართლო პროცესი გაიმართება

2016-03-30 20:13:28, 821 ნახვა

სამართალი

მეუღლისა და შვილის მკვლელობაში ბრალდებული მაგდა პაპიძის სასამართლო პროცესი ხვალ გაიმართება.

პროცესი 10 თებერვალს უნდა გამართულიყო, თუმცა პროკურატურის შუამდგომლობის საფუძველზე საგამოძიებო ვადა გაგრძელდა.

სხდომა საქალაქო სასამართლოში 11:00 საათზეა ჩანიშნული.

მაგდა პაპიძეს აღკვეთის ღონისძიების სახით პატიმრობა აქვს შეფარდებული.

შეგახსენებთ, პაპიძის საქმეზე საქართველოს მთავარმა პროკურატურამ მიმდინარე წლის 19 თებერვალს გამოძიების შუალედური ანგარიში გამოაქვეყნა, სადაც ნათქვამია, რომ ბრალდებულმა პაპიძემ საკუთარი მეუღლე თავში უროს ჩარტყმით მოკლა, ხოლო შვილი გაგუდა და ამავე დროს კვალის დაფარვა სცადა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან