თბილისის საქალაქო სასამართლომ, აღკვეთის ღონისძიების სახით პატიმრობა შეუფარდა "კულას" და "ბატონოს" დირექტორს, ივანე გოგლიძეს, რომელმაც საგამოძიებოს ინფორმაციით, თავდაცვისა და შს სამინისტროებს თანამშრომელთა კვებისთვის სიცოცხლისთვის საშიში თევზის კონსერვები მიაწოდა. 

ბიზნესმენის ადვოკატი მისი დაცვის ქვეშ მყოფი პირის 500 000-ლარიანი გირაოს სანაცვლოდ გათავისუფლებას ითხოვდა, თუმცა სასამართლომ მოთხოვნა არ დააკმაყოფილა.

ადვოკატ კახი წერეთელის განცხადებით, გოგლიძე დანაშაულს არ აღიარებს. 

"სასამართლოს ვრცელი დასაბუთება ვერ მოვისმინეთ. რამდენიმე წინადადება მოვისმინეთ, რომ ის რისკები, რაც ბრალდების მხარემ განაცხადა, ლოგიკურია და ამიტომ შეუფარდა პატიმრობა. (...) არ აღიარებს დანაშაულს. მას ბრალად ედება ჯანმრთელობისათვის მავნე პროდუქციის წარმოება, ეს არის განზრახი დანაშაული და თავად ბრალდების ფაბულაშიც კი არ არის მითითებული, უშუალოდ ჩემი დაცვის ქვეშ მყოფის მონაწილეობა." - თქვა მან.  

20 თებერვალს ფინანსთა სამინისტროს საგამოძიებო სამსახურის გამართულ ბრიფინგზე განაცხადეს, რომ ბრალდებულმა 2025 წელს, სახელმწიფო ტენდერის საფუძველზე გაფორმებული ხელშეკრულების ფარგლებში, 380 792 ლარის ღირებულების 24 177.3 კილოგრამი თევზის კონსერვი მიაწოდა სასაზღვრო პოლიციასა და შპს სახელმწიფო კვებით უზრუნველყოფას. 

ავტორი: ექსპრესნიუსი,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა