ხორვატიის პრეზიდენტი ზორან მილანოვიჩი, სანია მუსიჩ მილანოვიჩთან და მის დელეგაციასთან ერთად, საქართველოში ჩამოვიდა.

ხორვატიის პრეზიდენტს ორბელიანის სასახლეში საქართველოს მეექვსე პრეზიდენტი, მიხეილ ყაველაშვილი დახვდება.

საგარეო საქმეთა სამინისტროს ცნობით, მილანოვიჩს აეროპორტში დახვდნენ საქართველოს საგარეო საქმეთა მინისტრი მაკა ბოჭორიშვილი და მეექვსე პრეზიდენტის ადმინისტრაციის უფროსი ქეთევან კვინიკაძე.

13 თებერვლის ჩათვლით, ხორვატი პოლიტიკოსი შეხვედრებს გამართავს საქართველოს პრემიერ-მინისტრ ირაკლი კობახიძესთან, პარლამენტის თავმჯდომარე შალვა პაპუაშვილთან და საგარეო საქმეთა მინისტრ მაკა ბოჭორიშვილთან.

პრეზიდენტი მილანოვიჩი მეორე ვადით 2025 წლის იანვარში ხელახლა აირჩიეს. მას რუსეთთან დაკავშირებით ორაზროვანი პოზიციის მქონე ადამიანის რეპუტაცია აქვს. ზორან მილანოვიჩმა ოფიციალურად დაგმო რუსეთის შეჭრა უკრაინაში, მაგრამ აკრიტიკებს კიევს.

მილანოვიჩმა კიევი გააკრიტიკა რუსეთის მიერ უკრაინის წინააღმდეგ სრულმასშტაბიანი ომის დაწყებამდეც კი. 2022 წლის იანვარში მან ქვეყანას „მსოფლიოში ყველაზე კორუმპირებული“ უწოდა და მზარდი ესკალაცია, რომელიც მოგვიანებით რუსეთის შეჭრით დაგვირგვინდა, რაც „რუსეთის დერეფანში ხდებოდა“. მილანოვიჩმა გააკრიტიკა ევროკავშირის მიერ კიევისთვის სამხედრო დახმარება და მოსკოვის წინააღმდეგ სანქციების დაწესება.

2022 წლის სექტემბერში ხორვატიის პრეზიდენტმა ევროკავშირის პოლიტიკა უკრაინის მიმართ სულელურად და მისი წევრი სახელმწიფოების ინტერესებში შეუსაბამოდ შეაფასა. მან დასძინა, რომ დასავლეთმა რვა წლის განმავლობაში ვერ შეძლო უკრაინის მინსკის შეთანხმებების დაცვა.

ხორვატიის პრეზიდენტი მოსკოვის წინააღმდეგ სანქციებს „უაზროდ“ და „აბსურდულად“ მიიჩნევს.

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო