პოპის დედოფალი მადონა ინსტაგრამზე გამოქვეყნებულ ვიდეოში ირანელი ხალხის თავისუფლებისთვის ბრძოლას გამოეხმაურა. 

მისი Instagram პოსტი, რომელსაც მაროკოში ოჯახთან ერთად ცოტა ხნის წინ მოგზაურობის კადრებიც ახლდა თან, ასე იკითხება: „როდესაც მაროკოში არდადეგებზე ვფიქრობ, ვფიქრობ ირანში ყველა იმ ადამიანზე, ვინც იბრძვის ძალიან საჭირო რევოლუციისთვის და მზადაა მოკვდეს იმისთვის, რისიც სწამთ. ჩვენ ბევრ რამეს თავისთავად მიღებულად მივიჩნევთ. მათ შორის მეც. თავისუფლებას, ვიმოგზაურო მსოფლიოში. ჩავიცვა ის, რაც მინდა. უდაბნოში ცხენით ვიარო. თავისუფლად ვისაუბრო და არ გავჩუმდე სასჯელი, წამება და შესაძლოა სიკვდილიც. სიმღერა. ცეკვა. ჩემი სულიერი გზის არჩევა და არა სხვისი. ირანელ ქალებს ეს თავისუფლება არ აქვთ. მე მათ გვერდით ვდგავარ“.

67 წლის პოპ-მუსიკოსი აგრძელებს: „ირანის ხალხს საუკუნეების განმავლობაში არ უნახავს თავისუფლება. ვერ ვიტყვი, რომ ნამდვილად ვიცი გადატანილი ტანჯვა, მაგრამ ჩემი ფიქრები და ლოცვები ირანის ხალხთანაა. დრო ახლაა. მაგრად მოეჭიდეთ! მე ირანის გვერდით ვდგავარ. მათი ხმა მოისმინონ. თავისუფალი ირანი!“

მადონამ განცხადება ირანის ამჟამინდელი დროშის ემოჯითი დაასრულა. განცხადება გამორჩეული იყო, რადგან შედარებით ცოტა A-list შემსრულებელმა ისაუბრა ირანში მიმდინარე არეულობაზე.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა