ვენესუელაში ნიკოლას მადუროს დაკავების ოპერაციას დაახლოებით 75 ადამიანი ემსხვერპლა, – ამის შესახებ ინფორმაციას „ვაშინგტონ პოსტი“ ავრცელებს.

გამოცემის ცნობით, დაღუპულთა უმრავლესობა ვენესუელისა და კუბის უსაფრთხოების ძალების წარმომადგენლებია, გარდა ამისა, სამხედრო ოპერაციის დროს რამდენიმე მშვიდობიანი მოქალაქეც დაიღუპა.

„ვაშინგტონ პოსტის“-ის ინფორმაციით, ნიკოლას მადუროს რეზიდენციაზე შეტევის დროს შვიდი ამერიკელი ჯარისკაცი ცეცხლსასროლი იარაღით დაიჭრა. მათი ნაწილი ტეხასის სამხედრო სამედიცინო ცენტრში გადაიყვანეს.

პენტაგონში მოგვიანებით განაცხადეს, რომ დაჭრილი ჯარისკაცებიდან ხუთი უკვე დაუბრუნდა სამსახურს, ორი ჯერ კიდევ გამოჯანმრთელების პროცესშია.

ცნობისთვის, 3 იანვრის ღამეს, დონალდ ტრამპის ბრძანებით, აშშ-ის „დელტა ფორსმა“ ვენესუელაში ოპერაცია ჩაატარა, რომლის დროსაც ნიკოლას მადურო და მისი მეუღლე დააკავეს. ისინი ნიუ იორკში გადაიყვანეს, სადაც მათი სასამართლო პროცესი დაიწყო.

ოპერაციის შემდეგ დონალდ ტრამპმა განაცხადა, რომ აშშ ვენესუელას იქამდე მართავს, ვიდრე ხელისუფლების „დამოუკიდებელი გადაცემა“ არ იქნება უზრუნველყოფილი.

5 იანვარს აშშ-ის პრეზიდენტმა მოითხოვა, რომ ვენესუელის პრეზიდენტის მოვალეობის შემსრულებელმა, დელსი როდრიგესმა შეერთებულ შტატებს ქვეყნის რესურსებზე „სრული წვდომა“ მიანიჭოს, უარის შემთხვევაში კი „ძალიან მაღალი ფასით“ დაემუქრა.

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება