ჰონგ-კონგში ხანძრის შედეგად დაღუპულთა რაოდენობა 44-მდე გაიზარდა. ხანძრის შედეგად დაშავებული 45 ადამიანი ჯერ კიდევ კრიტიკულ მდგომარეობაშია, 279 მოქალაქე კი ამ დრომდე დაკარგულად ითვლება.

ჰონგ-კონგის სახანძრო სამსახურის ინფორმაციით, რვა შენობიდან ოთხში ხანძარი კონტროლის ქვეშაა.

პოლიციამ ხანძართან დაკავშირებით 3 ადამიანი დააკავა - სამშენებლო კომპანიის ორი დირექტორი და საინჟინრო კონსულტანტი.

ხანძარსაწინააღმდეგო უსაფრთხოების ექსპერტი მიიჩნევს, რომ საცხოვრებელ კომპლექსში ხანძარი კორპუსების დამაკავშირებელი ბამბუკის ხარაჩოების დიდმა რაოდენობამ გაამწვავა.

ხანძარს უმაღლესი მეხუთე დონე მიენიჭა. მას 800-ზე მეტი მეხანძრე ებრძვის.

 გუშინ ჰონგ-კონგში შვიდ საცხოვრებელ კორპუსს ცეცხლი ერთად გაუჩნდა. ხანძრის გამომწვევი მიზეზების გამოძიება დაწყებულია, ოფიციალური პირები კი აცხადებენ, რომ ცეცხლის გავრცელების სიჩქარე "უჩვეულო" იყო. ხანძრის გაჩენის დროს მაღალსართულიანი კომპლექსი რემონტის პროცესში იყო და ბამბუკის ხარაჩოებით იყო გარშემორტყმული. ასობით მცხოვრები დროებით თავშესაფრებშია ევაკუირებული. მეხანძრეები და სასწრაფო დახმარების ჯგუფები მთელი ღამის განმავლობაში მუშაობდნენ, მაშველებმა ღამით ერთ-ერთი შენობიდან ჩვილი და ხანდაზმული ქალი გადაარჩინეს.

ავტორი: ექსპრესნიუსი,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა