საქართველოს ახალგაზრდა იურისტთა ასოციაციის (საია) თავმჯდომარის ნონა ქურდოვანიძის განცხადებით, ბათუმელებისა და ნეტგაზეთის დამფუძნებლის მზია ამაღლობელის პატიმრობასთან დაკავშირებით სტრასბურგის სასამართლოში კიდევ ერთი საჩივარი გაგზავნეს.

ნონა ქურდოვანიძის თქმით, ახალ საჩივარში საუბარია მზია ამაღლობელის ადმინისტრაციული წესით პატიმრობაზე, რომელიც, ორგანიზაციის თანახმად, მზია ამაღლობელის მიმართ უკანონოდ იქნა გამოყენებული.

საია-ში ამბობენ, რომ მზია ამაღლობელის მიმართ ადმინისტრაციული წესით გამოყენებული დაკავება, წინააღმდეგობაში მოდის როგორც საქართველოს კანონმდებლობასთან, ასევე არღვევს კონვენციით გარანტირებულ უფლებებს

"საქართველოს ახალგაზრდა იურისტთა ასოციაციამ პოლიტიკური პატიმრის მზია ამაღლობელის სახელით ადამიანის უფლებათა ევროპულ სასამართლოში კიდევ ერთი საჩივარი გააგზავნა - ეს საქმე ამჯერად შეეხება ადმინისტრაციულ პროცედურებს, რომელიც მზია ამაღლობელის მიმართ იყო გამოყენებული უკანონოდ.

როგორც საზოგადოებისთვის ცნობილია, სანამ მოხდებოდა მზია ამაღლობელისთვის სისხლის სამართლის წესით ბრალის წარდგენა, ის ჯერ ადმინისტრაციული წესით დააკავა უკანონოდ პოლიციამ, შემდგომ კი მის მიმართ ერთი და იგივე ფაქტთან დაკავშირებით ორი სამართალდარღვევის ოქმი შეადგინა - ეს ეხებოდა 173-ე მუხლს, რომელიც პოლიციის კანონიერი მოთხოვნისადმი დაუმორჩილებლობას გულისხმობს და ასევე, სტიკერის გაკვრის გამო, იერის დამახინჯების მუხლებზეა საუბარი, თუმცა ეს ყველაფერი იყო ერთი და იგივე გარემოება და არცერთი ამ მუხლის საფუძველზე არ არსებობდა წინაპირობები, რომ შედგენილიყო სამართალდარღვევის ოქმები, მიუხედავად ამისა, როგორც შინაგან საქმეთა სამინისტრომ, ასევე, შემდგომ როგორც პირველი ინსტანტციის, ასევე სააპელაციო სასამართლოებმა მზია ამაღლობელის მიმართ გამოიტანეს სრულიად უკანონო გადაწყვეტილებები და ერთ საქმეზე ის - 2 000 ლარით, მეორეზე კი - 1 000 ლარით დააჯარიმეს.

ეს ორივე საქმე და მათ შორის, ადმინისტრაციული წესით გამოყენებული დაკავება, წინააღმდეგობაში მოდის როგორც საქართველოს კანონმდებლობასთან, ასევე არღვევს კონვენციით გარანტირებულ უფლებებს. სწორედ ამიტომ, ახალგაზრდა იურისტთა ასოციაციამ მზია ამაღლობელის სახელით წარდგენილ ახალ საჩივარში მიუთითა, რომ ამ ქმედებებით და ამ პროცესში გამოვლენილი დარღვევებით, სახეზეა კონვენციის უფლებების დარღვევის ისეთი მასშტაბები, რომელიც დაკავშირებულია მეხუთე მუხლთან - თავისუფლებისა და უსაფრთხოების უფლება, მეექვსე მუხლთან - სამართლიანი სასამართლოს უფლება, გამოხატვის თავისუფლება და შეკრების თავისუფლება - კონვენციის მეათე და მეთერთმეტე მუხლი, ასევე, მეცამეტე მუხლი - სამართლებრივი დაცვის ქმედითი საშუალებების უფლება - მეხუთე მუხლთან ერთობლიობაში.

ამ მუხლების ფარგლებში ჩვენ ვდაობთ, რომ მზია ამაღლობელის ადმინისტრაციული წესით დაკავება იყო სრულიად უსაფუძვლო", - თქვა ნონა ქურდოვანიძემ. 

ავტორი: ექსპრესნიუსი,

სოციალური ქსელები

ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს

NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი