„თუ ქვეყნის ეროვნულ ღირებულებებსა და ინტერესებს ბოლომდე არ დავიცავთ, დავკარგავთ ყველაფერს,"- ამის შესახებ "ქართული ოცნების" არჩეულმა პრეზიდენტმა მიხეილ ყაველაშვილმა პრეზიდენტის სასახლეში,  კონსტიტუციის მიღების დღისადმი მიძღვნილ ღონისძიებაზე განაცხადა.

ღონისძიებას  ირაკლი კობახიძე, პარლამენტის შალვა პაპუაშვილი, თბილისის მერი კახა კალაძე,  აღმასრულებელი, საკანონმდებლო,  სასამართლო ხელისუფლების წარმომადგნლები,  კონსტიტუციონალისტები და მოწვეული სტუმრები დაესწრნენ.

როგორც მიხეილ ყაველაშვილმა სიტყვით გამოსვლისას აღნიშნა, კონსტიტუცია  ქართველი ხალხისთვის ერთიანობისა და ქვეყნის სიყვარულის სიმბოლოა.

„ჩვენი ხალხისთვის, ქვეყნის უმთავრესი სამართლებრივი დოკუმენტი ერთიანობის, ურთიერთნდობის, ერთმანეთისა და ქვეყნის სიყვარულის სიმბოლოა, რომელიც ისტორიულ გამოცდილებას, კულტურულ ფასეულობებს, უკეთესი მომავლის რწმენასა და სახელმწიფოს შენების სურვილს ეფუძნება! განსაკუთრებულ ყურადღებას იმსახურებს ჩვენი კონსტიტუციის პრეამბულა, რომელიც დასაწყისშივე აცხადებს ღვთისა და ქვეყნის წინაშე, ჩვენი ერის ღირებულებებსა და მიზნებს, რომელთა გარშემოც თითოეული ქართველია გაერთიანებული", - განაცხადა პრეზიდენტმა.

სიტყვით გამოსვლისას საქართველოს პრეზიდენტმა  ბოლო პერიოდში ქვეყნის შიგნით თუ გარეთ არსებულ გამოწვევებზე  გაამახვილა ყურადღება.

„დღეს, 30 წლის შემდეგ, განსაკუთრებით ბოლო პერიოდში გამძაფრებული შიდა და გარე გამოწვევების ფონზე, კარგად უნდა გავიაზროთ ის თითოეული ცნება, თითოეული ღირებულება, რომელიც საქართველოს კონსტიტუციაშია ასახული! ჩვენი ხალხის სურვილს, იცხოვროს დემოკრატიულ და სამართლებრივ სახელმწიფოში, უზრუნველყოფილი იყოს ადამიანის უფლებები და თავისუფლებები და ასევე ჩვენს მიზანს - განვამტკიცოთ სახელმწიფოებრივი დამოუკიდებლობა, ქვეყნის შიგნით, თუ გარეთ, გარკვეული ძალები ეწინააღმდეგებიან",-  განაცხადა მიხეილ ყაველაშვილმა.

ავტორი: ექსპრესნიუსი,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ