2016-03-20 16:29:51, 1172 ნახვა
მსოფლიო
ესპანეთში ავარიის შედეგად, 14 სტუდენტი დაიღუპა
ესპანეთში ავტობუსის ავარიის შედეგად 14 სტუდენტი დაიღუპა, 47 დაშავებული კი, საავადმყოფოშია გადაყვანილი. ამის შესახებ ინფორმაციას უცხოური მედია ავრცელებს.
ავტობუსის მძღოლმა, რომელსაც სტუდენტები ვალენსიადან ბარსელონაში გადაჰყავდა, მაგისტრალზე საჭე ვერ დაიმორჩილა, გზის მეორე მხარეს გადავიდა, მსუბუქ ავტომობილს შეეჯახა და გადაბრუნდა.
ავტობუსში სხვადასხვა ქვეყნის წარმომადგენელი სტუდენტები იმყოფებოდნენ. ისინი საერთაშორისო პროგრამა Erasmus-ით ბარსელონაში სწავლობენ.
ქართველი სტუდენტების შესახებ ინფორმაცია არ ვრცელდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
