მაკა ასათიანი: მზად ვარ, გავითვალისწინო თანამშრომელთა მოთხოვნა და სურვილი

2016-03-19 20:53:25, 744 ნახვა

სამართალი

მზად ვარ, გავითვალისწინო თანამშრომელთა მოთხოვნა და სურვილი - ამის შესახებ ტელეკომპანია "მაესტროს" მეწილე, მაკა ასათიანმა განაცხადა.

ასათიანი თანამშრომლების განცხადებაში დასახელებული აუცილებელი და გადაუდებელი პრობლემების გადაჭრისთვის მზაობას გამოთქვამს.
"მაესტროს" მეწილეს მიაჩნია, რომ ყველა გადაწყვეტილების მიღება, რაც საჭიროა ტელევიზიის ფუნქციონირებისათვის, უნდა მოხდეს გამჭვირვლედ, ყველა მხარის კონსესუსით, მათ შორის, თანამშრომლების.

"გავეცანი რა ჟურნალისტების 5-პუნქტიან მოთხოვნას, მზაობას გამოვთქვამ, დავიწყოთ იმ აუცილებელი და გადაუდებელი პრობლემების გადაჭრა, რაც მოყვანილია თანამშრომლების განცხადებაში. ამ დრომდე მიმაჩნდა, რომ დიალოგის დრომ გაიარა, მაგრამ რადგანაც ნომერ პირველი საკითხი მაუწყებლობის უწყვეტობა და თანამშრომლების ნორმალური სამუშაო გარემოს უზრუნველყოფაა, მზად ვარ, გავითვალისწინო მათი მოთხოვნა და სურვილი. ასევე მიმაჩნია, რომ ყველა გადაწყვეტილების მიღება, რაც საჭიროა ტელევიზიის ფუნქციონირებისათვის, უნდა მოხდეს გამჭვირვლედ, ყველა მხარის კონსესუსით, მათ შორის თანამშრომლების", - განაცხადა მაკა ასათიანმა.