უკრაინის საგარეო საქმეთა მინისტრის, ანდრეი სიბიგას განცხადებით, ოდესაში „უკრაინა-სამხრეთ-აღმოსავლეთ ევროპის“ სამიტის ფარგლებში გამართული ორმხრივი შეხვედრების დროს კიევისთვის თავდაცვის სფეროში დამატებითი მხარდაჭერის საკითხი განიხილეს.

მისი თქმით, უკრაინის პრეზიდენტ ვოლოდიმირ ზელენსკისა და მის კოლეგებს შორის გამართული ორმხრივი შეხვედრების დროს ზოგიერთი ქვეყნის მხრიდან თავდაცვის სფეროში დახმარების დამატებითი პაკეტები დადასტურდა.

სიბიგას ინფორმაციით, ლიდერებმა ინფრასტრუქტურული პროექტების მხარდაჭერა და უკრაინის ენერგეტიკული მდგრადობის გაძლიერება განიხილეს.

„ჩვენი პარტნიორები უკვე დაინტერესდნენ, თუ როგორ შეუძლიათ დაეხმარონ უკრაინას ზამთრის პერიოდის წინ. ჩვენ დავინახეთ მათი მზაობა, გაწიონ კონკრეტული დახმარება“, - აღნიშნა სიბიგამ.

მისი თქმით, ოდესაში გამართული სამიტის მნიშვნელოვანი სიგნალი იყო ის, რომ უკრაინა მარტო არ არის. „ჩვენი უახლოესი მოკავშირეები ჩვენთან არიან, ჩვენი უახლოესი პარტნიორები ჩვენთან არიან“, - დასძინა უკრაინის საგარეო საქმეთა მინისტრმა.

შეგახსენებთ, ოდესაში გუშინ უკრაინა-სამხრეთ-აღმოსავლეთ ევროპის სამიტი გაიმართა, რომელშიც მონაწილეობა მიიღეს საბერძნეთის, ხორვატიისა და მონტენეგროს ლიდერებმა, ასევე სერბეთის პრეზიდენტმა.

ავტორი: ექსპრესნიუსი,

სოციალური ქსელები

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო

ვენესუელაში მიწისძვრის შედეგად დაღუპულთა რიცხვი 235-მდე გაიზარდა, 50 000 დაკარგულად ითვლება

კობახიძე: კორუფცია ხელისუფლების ზედა ეშელონებში პრინციპულად აღმოფხვრილი, დამარცხებულია

ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს