უკრაინულ მედიაში ანონიმურ წყაროებზე დაყრდნობით ვრცელდება ცნობები, რომ 30 მაისს დილით რუსეთში, ვლადივოსტოკის ყურეში, დესანტნაიას რაიონთან ახლოს ორი მსხვილი აფეთქება უკრაინის დაზვერვის მთავარი სამმართველოს (ГУР) წარმატებული სპეცოპერაციის შედეგად მოხდა. 

ამის შესახებ ინფორმაციას საკუთარ წყაროებზე დაყრდნობით უკრაინული მედიები ავრცელებენ.

დღეს დილით რუსეთის საზღვაო ქვეითთა ცალკეული 155-ე ბრიგადის 47-ე ცალკეული სადესანტო-მოიერიშე ბატალიონის დისლოკაციის ადგილას, სულ მცირე, ორი აფეთქება მოხდა. მათგან ერთ-ერთი საკონტროლო-გამშვებ პუნქტთან მოხდა, მეორე კი იქ, სადაც სამხედრო ნაწილის პერსონალი და სარდლობა უშუალოდ იმყოფება. 

უკრაინულ მედიასთან საუბრისას წყაროები ამბობენ, რომ სპეცოპერაციის შედეგად რუსეთის სამხედრო ცოცხალი ძალა, სამხედრო ტექნიკა და სპეცდანიშნულების აღჭურვილობა დაზიანდა. 

როგორც მედია იტყობინება, ადგილობრივი მცხოვრებები ამბობენ, რომ ადგილზე, სულ მცირე, 10 სასწრაფო სამედიცინო დახმარების მანქანა და საევაკუაციო ვერტმფრენი გამოცხადდა. სამხედრო ნაწილის ტერიტორიიდან დაზიანებული ტექნიკა სამხედრო სატვირთო მანქანებს გადააქვთ. 

ადგილობრივი თანამდებობის პირები ირწმუნებიან, რომ შემთხვევა გაზის ორი ცილინდრის აფეთქების შედეგად მოხდა და არავინ დაშავებულა. 

ვლადივოსტოკში ამჟამად კონტრტერორისტული ოპერაციის რეჟიმი არის გამოცხადებული, ხოლო სამხედრო ერთეულის გარშემო ტერიტორია დაკეტილია. 

რუსეთის საზღვაო ქვეითთა 155-ე ბრიგადა უკრაინის წინააღმდეგ ომში აქტიურად არის ჩართული. უკრაინული მედია იტყობინება, რომ ბრიგადის მონაწილეობა აღრიცხულია მაირუპოლის, უგლედარისა და კურსკის ოლქებში.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს