[დამოუკიდებლობის დღე] მინდა მივულოცო ყველა იმ ადამიანს, ვისაც უნდა, რომ ეს ქვეყანა იყოს თავისუფალი, დამოუკიდებელი და ვინც გაიაზრა, რომ იმ ტყუილში ცხოვრება, რომელშიც რუსული ოცნება ამყოფებს ქვეყანას, უნდა დასრულდეს , - ამის შესახებ „ლელო ძლიერი საქართველოს“ ლიდერმა, მამუკა ხაზარაძემ განაცხადა, რომელიც მარჯანიშვილის მეტროსთან იმყოფება, საიდანაც საქართველოს დამოუკიდებლობის დღესთან დაკავშირებით რუსთაველის გამზირისკენ მარში გაიმართება.

მამუკა ხაზარაძის თქმით, დამოუკიდებლობის იდეა საქართველოს არასდროს არ ტოვებს იმიტომ, რომ საქართველოს გადარჩენის საიდუმლოება სწორედ თავისუფლებისთვის ბრძოლაა.

„მინდა მივულოცო სრულიად საქართველოს, თითოეულ ჩვენს მოქალაქეს, ჩვენს ემიგრაციას, განსაკუთრებით მინდა მივულოცო ჩვენს პოლიტპატიმრებს. მინდა ვუსურვო სიმხნევე, სიმტკიცე. ეს მათი დღეც არის, მათი ღვაწლია, შრომა და თავდადება დღევანდელი დღისთვის. მინდა მივულოცო ყველა იმ ადამიანს, ვისაც უნდა, რომ ეს ქვეყანა იყოს თავისუფალი, დამოუკიდებელი და ვინც გაიაზრა, რომ იმ ტყუილში ცხოვრება, რომელშიც რუსული ოცნება ამყოფებს ქვეყანას უნდა დასრულდეს.

დამოუკიდებლობა როცა იქნა გამოცხადებული, 1918 წელს, იმ დღიდან ქვეყანამ გაიარა უამრავი წინააღმდეგობა, უამრავი ბრძოლა, უამრავი სისხლი, მაგრამ დამოუკიდებლობის იდეა საქართველოს არასდროს არ ტოვებს იმიტომ, რომ ჩვენი გადარჩენის საიდუმლოება სწორედ თავისუფლებისთვის ბრძოლაა. თავისუფლება არ არის მხოლოდ 26 მაისის აღნიშვნა, თავისუფლება პირველ რიგში პიროვნული თავისუფლებაა, თითოეული მოქალაქის თავისუფლებაა და პროტესტი იმისა, რომ არასდროს არ დავემონებით არავის“, - განაცხადა მამუკა ხაზარაძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს