არ მოგატყუოთ და არ ავყვეთ „რუსქოცების“ პროპაგანდას, თითქოს რაღაცას ზეიმობენ და რამეს იცავენ. სინამდვილეში, ცდილობენ დაგვაჯერონ, რომ სუვერენიტეტი დასავლეთისგან გათავისუფლებას ნიშნავს,- ამის შესახებ “სტრატეგია-აღმაშენებლის“ ერთ-ერთმა ლიდერმა, პაატა მანჯგალაძემ, დამოუკიდებლობის დღესთან დაკავშირებით განაცხადა.

მისი თქმით, „დღეს საქართველოს თავისუფლების ნამდვილ მცველებს აგენტებად ნათლავენ“.

„გილოცავთ საქართველოს დამოუკიდებლობის დღეს!

არ მოგატყუოთ და არ ავყვეთ „რუსქოცების“ პროპაგანდას, თითქოს, რაღაცას ზეიმობენ და რამეს იცავენ. სინამდვილეში, ცდილობენ დაგვაჯერონ, რომ სუვერენიტეტი დასავლეთისგან გათავისუფლებას ნიშნავს. ეს ისეთივე სიცრუე და პროპაგანდისტული შხამია, როგორიც იყო 100 წლის წინ ბოლშევიკებისგან.

მაშინ ჟორდანიას მთავრობა იყო “ხალხის მტერი და იმპერიალიზმის აგენტები”, დღეს საქართველოს თავისუფლების ნამდვილ მცველებს და მის მხარდამჭერებს აგენტებად ნათლავენ.

მაშინ ქაქუცა და თავისუფლებისთვის მებრძოლები იყვნენ “ღალატში” ბრალდებულნი - დღეს სუფთა, ნათელი ახალგაზრდობა ხდება ე.წ. ხელისუფლების მიერ “მტრად” შერაცხილი.

მაგრამ ახლა საქართველო სხვაა. გავიარეთ წარსული, გავიგეთ თავისუფლების ფასი. გვყავს თაობა, რომელიც სიმართლეს არ უფრთხის. გვყავს პარტნიორები, რომელთაც ჩვენს გვერდით დგომა შეუძლიათ. დღეს საქართველო მარტო აღარ არის და აღარ დავუთმობთ თავისუფლებას ივანიშვილს და მის ნეობოლშევიკებს.

გაუმარჯოს თავისუფლებას!

დიდება გმირებს!

დიდება დამოუკიდებელ საქართველოს!“, - განაცხადა პაატა მანჯგალაძემ.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა