ხვალ, 26 მაისს, საქართველოში დამოუკიდებლობის დღე აღინიშნება. ამ დღეს, 1918 წლის 26 მაისს, საქართველოს ეროვნულმა საბჭომ დამოუკიდებლობის აქტი მიიღო, რაც ქვეყნის დამოუკიდებლობისა და სუვერენიტეტის აღიარების საწყისი ეტაპი იყო.

დამოუკიდებლობის დღისადმი მიძღვნილი საზეიმო ღონისძიებები თბილისში 10:00 საათზე თავისუფლების მოედანზე დაიწყება, სადაც ახალწვეულები ფიცს დადებენ. ამავე დროს, ორბელიანების მოედანზე მოეწყობა ღვინის სივრცე, სადაც მეღვინეების პროდუქციის გამოფენა-გაყიდვა გაიმართება. სტუმრებს ასევე დახვდებათ სპორტული, კულინარიული და საბავშვო კუთხეები. 

17:10 საათზე, საქართველოს დამოუკიდებლობის გამოცხადების ისტორიული დრო, საზეიმოდ აღინიშნება. საქართველოს სახელმწიფო ჰიმნს შეასრულებს 300 ბავშვი, რომელთა შორის იქნებიან საზღვარგარეთ მოქმედი ქართული სათვისტომო სკოლების მოსწავლეები.

დღის ბოლოს, 19:00 საათზე, გაიმართება გალა კონცერტი

დამოუკიდებლობის დღისადმი მიძღვნილი ღონისძიებები საქართველოს 18 ქალაქში გაიმართება.

პროევროპული აქცია საზოგადოებას 15:00 საათიდან რუსთაველის გამზირზე უმსაპინძლებს. დაგეგმილია ფილმის ჩვენება, სტუდენტური მარში. 19:00 საათზე კი, სალომე ზურაბიშვილი მოსახლეობას სიტყვით მიმართავს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს