26 მაისს თუ ვინმეს ხელოვნურად აქვს რაიმეს დაძაბულობა ჩაფიქრებული, თუ ვინმე გასცდება კანონის ფარგლებს, კანონის უმკაცრესი ფორმით დაისჯება, – ამის შესახებ ფრაქცია „ქართული ოცნების“ თავმჯდომარის მოადგილემ, ლევან მაჭავარიანმა განაცხადა.

მისი თქმით, რადიკალები ღიად, მოურიდებლად აცხადებენ, რომ მათ დღის წესრიგს წარმოადგენს ქვეყანაში სიტუაციის დაძაბვა, ქვეყნის არევა, რადიკალიზაცია, ეკონომიკური დესტაბილიზაციის გამოწვევა.

„ვხედავთ და ვისმენთ, რომ რადიკალები პირდაპირ ღიად, მოურიდებლად აცხადებენ, რომ მათ დღის წესრიგს წარმოადგენს ქვეყანაში სიტუაციის დაძაბვა, ქვეყნის არევა, რადიკალიზაცია, ეკონომიკური დესტაბილიზაციის გამოწვევა და ა.შ. ამასთან დაკავშირებით, სხვათა შორის, დიპლომატიურ კორპუსს არანაირი ნეგატიური კომენტარი არ გაუკეთებია. ახლა რაღაც დელეგაციები უნდა ჩამოვიდნენ, ქალბატონი რასას ხელმძღვანელობით, რომლებიც გამოირჩევიან ფაშისტური განცხადებებით, მით უმეტეს, ჩვენს ქვეყანასთან მიმართებაში. ბატონი გედევან ფოფხაძის განცხადება ვნახეთ, რომ მსხვერპლი არის საჭირო, იქ ქალბატონი ზურაბიშვილი ისევ აგრძელებს სახლობანას თამაშს და თვლის, რომ ისევ არის პრეზიდენტი, უნდა ჩაიბაროს აღლუმი. იგივე ფილმის გაგრძელებაა, როგორც იყო ალტერნატიული პარლამენტის და მთავრობის შექმნა, ღიმილისმომგვრელია“, – განაცხადა ლევან მაჭავარიანმა.

მისი თქმით, თუ ვინმეს დაძაბულობის შექმნა აქვს ჩაფიქრებული, გასცდება კანონის ფარგლებს, კანონის უმკაცრესი ფორმით დაისჯება.

„თუ ვინმეს ხელოვნურად აქვს რაიმეს დაძაბულობა ჩაფიქრებული, მოვუწოდებთ, ორჯერ დაფიქრდეს, ვინაიდან, თუ ვინმე გასცდება კანონის ფარგლებს, იგი დაისჯება კანონის უმკაცრესი ფორმით. ამას ხაზგასმით ვაცხადებთ, მით უმეტეს, ისეთი დღესასწაულია, როგორიც 26 მაისია, სადაც მთელი ერი ზეიმობს, ერთიანდება და ეს არის ჩვენი ქვეყნის დღესასწაული“, – განაცხადა ლევან მაჭავარიანმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს