დღეს, 23 მაისს ზუგდიდის რაიონულ სასამართლოში მუსიკოსის და სამოქალაქო აქტივისტის, კერენ ესებუას სასამართლო პროცესი გაიმართა - ივანიშვილის დეპუტატმა ირაკლი ზარქუამ მას და მარიამ სიჭინავას შეურაცხყოფისთვის უჩივლა (აქტივისტები ზარქუას ზუგდიდის ერთ-ერთ სასტუმროში შეძახილებით დახვდნენ), რის საფუძველზეც ესებუა 3 500 ლარით დააჯარიმეს.

მოსამართლემ ასევე არ დააკმაყოფილა ადვოკატის შუამდგომლობა აქტივისტების საქმის გაერთიანებასთან დაკავშირებით. 

ადმინისტრაციული სამართალდარღვევის საქმე მათ წინააღმდეგ 173-ე მუხლის 16 პრიმა მუხლის პირველი ნაწილით დაიწყო, რაც 4 000 ლარამდე ჯარიმას, ან 45 დღემდე ვადით პატიმრობას ითვალისწინებს.

აქტივისტებმა თავადაც მიმართეს სასამართლოს ირაკლი ზარქუას მხრიდან სიტყვიერი და ფიზიკური შეურაცხყოფის ფაქტზე.

"ეს დაკვეთა მოდის კობახიძისგან, პაპუაშვილისგან, ზარქუასთან და პირდაპირ კალაძისგან, რადგან მათ გვითხრეს, რომ დავისჯებით სამაგალითოდ, რომ შემდგომ ვერც ერთმა მოქალაქემ ვეღარ გაბედოს ერთი სიტყვითაც კი შეელაპარაკოს ქართული ოცნების რომელიმე წარმომადგენელს.

მათ ისე ეშინიათ ორი ქალის, რომ ცდილობენ გამოგვკეტონ. ეშინიათ, რომ 26 მაისს, არ ვიყოთ გარეთ. ვერ ვიჯერებ იმას, რომ რომელიმე მოსამართლეს ეყოფა გამბედაობა, რომ ამ დაკვეთის წინააღმდეგ წავიდეს" - თქვა ესებუამ გამოცემა ბათუმელებთან.

ავტორი: ექსპრესნიუსი,

სოციალური ქსელები

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა