„ლელო-ძლიერი საქართველოს“ ერთ-ერთი ლიდერის, გრიგოლ გეგელიას განცხადებით, სახელმწიფო დაზვერვის სამსახურის სახელმწიფო უსაფრთხოების სამსახურისთვის დაქვემდებარება არის მიზანმიმართული თავდასხმა ეროვნულ ინსტიტუტებზე.

როგორც გეგელიამ პარტიის ოფისში გამართულ ბრიფინგზე განაცხადა, აღნიშნული ცვლილება გამოიწვევს სუს-ის ძალაუფლების ჭარბად მონოპოლიზებას.

„ვრცელდება საგანგაშო ინფორმაცია, რომლის თანახმად საქართველოს თვითმარქვია ხელისუფლება აპირებს დაზვერვის სამსახური დაუქვემდებაროს სახელმწიფო უსაფრთხოების სამსახურს, რაც არის მიზანმიმართული თავდასხმა ქართულ ეროვნულ ინსტიტუტებზე, მით უმეტეს ისეთ დამოუკიდებელ ინსტიტუტზე, რომელზეც მრავლად არის წარმოდგენილი ადამიანები, ვისთვისაც მიუღებელია რუსეთი და პრორუსული პოლიტიკური კურსი. სწორედ ამ ადამიანებს აქვთ დასავლეთის სააგენტოებთან თანამშრომლობის ყველაზე ხანგრძლივი და ნაყოფიერი გამოცდილება, რაც მიუღებელია რუსეთისთვის და შესაბამისად მიუღებელია საქართველოს პრორუსული ხელისუფლებისთვის, რომელიც ყველაფერს აკეთებს იმისთვის, რომ დამოუკიდებელი, ეროვნული ინსტიტუტები და საქართველოს პროდასავლური კურსი იქნას შეჩერებული. ეს რა თქმა უნდა, გამოიწვევს სადაზვერვო საქმიანობის კლებას, მისი ხარისხის ვარდნას ამავე დროს, პრობლემას შეუქმნის საქართველოს სახელმწიფოს იმ უმძიმესი გამოწვევის ფონზე, რომელშიც ჩვენი ქვეყანა იმყოფება.

ეს არის სუს-ში ძალაუფლების ჭარბად მონოპოლიზების მაგალითი, რაც გამოიწვევს სუს-ის დამატებით გაძლიერებას და ამ მონსტრად ქცეული სახელმწიფო ინსტიტუტის კიდევ უფრო მეტ საფრთხის შემცვლელად გადაქცევას, რაც არ არის დემოკრატიული სახელმწიფოების სადარი.

მინდა ყველა ოფიცერს ვუთხრა, რომ სულ მალე ბოროტმოქმედი რეჟიმი დასრულდება, საქართველოს ეყოლება ახალი ეროვნული ხელისუფლება, რომელიც თქვენთან ერთად ყველაფერს გააკეთებს იმისათვის, რომ საგარეო და საშინაო უსაფრთხოება იქნას დაცული“,- განაცხადა გეგელიამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს