დღეს ჩვენ გასაუბრება გვექნება 2011 წლის 26 მაისს დაზარალებულ ადამიანებთან - 26 მაისი „ნაცმოძრაობის“ კლასიკური სახეა, თუ როგორ შემოდეს ზოგიერთი გარდაცვლილი ადამიანი მაღაზიის სახურავზე, მათ შორის, სასტიკად გაუსწორდნენ ქუჩაში ადამიანებს და საშუალება არ მისცეს, გასულიყვნენ რუსთაველის გამზირიდან, - ამის შესახებ პარლამენტის დროებითი საგამოძიებო კომისიის წევრმა, გურამ მაჭარაშვილმა კომისიის სხდომის დაწყებამდე განაცხადა.

მისი თქმით, „საზოგადოებისთვის ძალიან კარგად ცნობილი ადამიანები, რომელთა წინააღმდეგაც მაშინდელმა რეჟიმმა კიდევ ერთი სახე აჩვენა, ახსნა-განმარტებებს მისცემენ კომისიას“.

„საგამოძიებო კომისია აგრძელებს სხდომებს. დღეს ჩვენ გასაუბრება გვექნება 2011 წლის 26 მაისს დაზარალებულ ადამიანებთან. საზოგადოებისთვის ძალიან კარგად ცნობილი ადამიანები, რომელთა წინააღმდეგაც მაშინდელმა რეჟიმმა კიდევ ერთი სახე აჩვენა, ახსნა-განმარტებებს მისცემენ კომისიას. 26 მაისი „ნაცმოძრაობის“ კლასიკური სახეა, თუ როგორ შემოდეს ზოგიერთი გარდაცვლილი ადამიანი მაღაზიის სახურავზე, მათ შორის, სასტიკად გაუსწორდნენ ქუჩაში ადამიანებს, საშუალება არ მისცეს, გასულიყვნენ რუსთაველის გამზირიდან. სულ რამდენიმე საათში კი სააკაშვილმა 26 მაისის აღლუმი მიიღო“, - განაცხადა მაჭარაშვილმა.

ცნობისთვის, საგამოძიებო კომისიის დღევანდელ სხდომაზე განსახილველი საკითხია „2011 წლის 26 მაისს მომხდარი და ადამიანის უფლებების უხეში დარღვევის სხვა ფაქტები“.

დღის წესრიგის მიხედვით, სხდომაზე მოწვეულნი არიან: ნონა გაფრინდაშვილი, დავით ლორთქიფანიძე, გიორგი ბურჯანაძე (ჩართვა) და ელდარ (ლუკა) კურტანიძე.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს