რეფორმები ევროპის წინააღმდეგ პუტინის ომის გამოა საჭირო, - ამის შესახებ გერმანიის საპარლამენტო არჩევნებში გამარჯვებული „ქრისტიან-დემოკრატიული კავშირის“ ლიდერმა, ფრიდრიხ მერცმა ბუნდესტაგში სიტყვით გამოსვლისას განაცხადა.

„რეფორმების შემოთავაზებული პაკეტი, პირველ რიგში, საჭიროა ევროპის წინააღმდეგ პუტინის აგრესიული ომის გამო, ომის ევროპის წინააღმდეგ და არა მხოლოდ უკრაინის ტერიტორიული მთლიანობის წინააღმდეგ“, - განაცხადა ფრიდრიხ მერცმა.

მერცის თქმით, რეფორმები აუცილებელია რუსეთის მიერ გერმანიის წინააღმდეგ განხორციელებული მტრული მოქმედებების, კრიტიკულ ინფრასტრუქტურაზე თავდასხმების, დეზინფორმაციული კამპანიებისა და ასევე, ევროკავშირის დაყოფის მცდელობებზე საპასუხოდ.

„ჩვენს ღია საზოგადოებაზე, ჩვენს თავისუფლებაზე თავდასხმებისგან ჩვენ თავს დავიცავთ, ყველაფრით, რაც ჩვენს ხელშია. ჩვენი თავდაცვის შესაძლებლობები ფაქტობრივად, ნულიდან უნდა აღვადგინოთ“, - აღნიშნა მერცმა.

ცნობისთვის, დღეს გერმანიის პარლამენტში კონსტიტუციაში შესატანი ცვლილებების შესახებ კენჭისყრა გაიმართება, რომელიც გერმანიის ინფრასტრუქტურის განვითარებისთვის 500 მილიარდი ევროს ოდენობის ფონდის შექმნას ითვალისწინებს.

ავტორი: ექსპრესნიუსი,

სოციალური ქსელები

Axios: ტრამპი აღიარებს, რომ „ანკორიჯის სულისკვეთებას“ ტოვებს

ტრამპი ირანზე - შეიძლება დადგეს დრო, როდესაც სამხედრო საშუალებებით მოგვიწევს დავასრულოთ ის, რაც დავიწყეთ

ცენტრალური სარდლობა: აშშ-ის ძალებმა ჰორმუზის სრუტეში ირანის 10 სამხედრო ობიექტი დაბომბეს

ირანის რევოლუციის გუშაგთა კორპუსმა ქუვეითსა და ბაჰრეინში აშშ-ის სამხედრო ობიექტებზე იერიში მიიტანა