საფრანგეთის მოსახლეობის 61% მოითხოვს საფრანგეთის პრეზიდენტის გადადგომას, 50%-ს სურს ახალი არჩევნები საფრანგეთში, ამიტომ, ყველა ხელისუფლებას მოვუწოდებ, მიხედონ თავიანთ ამომრჩევლებს და თავიანთ ქვეყნებს, სხვა ქვეყნების შიდა საქმეებში ჩარევით ნუ შეწუხდებიან, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

პაპუაშვილის თქმით, „ზოგიერთს უცხოეთში საკუთარი სურვილები ეშლება რეალობაში“.

უნდათ, რომ რეალობა იყოს ის, რაც მათ სურთ, რომ დაინახონ, რასაც აქეზებენ, მხარს უჭერენ. ქართველი ხალხი ხედავს, რაც არის სინამდვილე. მიუხედავად იმისა, რომ არის მცდელობა, სრულად გარედან წახალისებული ძალადობის, რადიკალიზმის ტალღა დააორგანიზონ, ეს არ გამოდის და შემდეგ უნდათ, თავინთი წარმოსახვა რეალობად წარმოგვიჩინონ.

რაც შეეხება არჩევნებს, კიდევ ერთხელ ვიტყვი, რომ, ბოლო გამოკითხვებით, რომელიც „ლე ფიგაროს“ მიერ იქნა ჩატარებული, ვხედავთ, რომ საფრანგეთის მოსახლეობის 61% მოითხოვს საფრანგეთის პრეზიდენტის გადადგომას, ხოლო 50%-ს სურს ახალი საპარლამენტო არჩევნები საფრანგეთში. ამიტომ, ყველა ხელისუფლებას მოვუწოდებ, მიხედონ თავიანთ ამომრჩევლებს და თავიანთ ქვეყნებს, სადაც მათ აქვთ ძალიან დაბალი მხარდაჭერა. ნუ შეწუხდებიან სხვა ქვეყნების შიდა საქმეებში ჩარევით“, – განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ