სერბეთში ანტისამთავრობო აქციები გრძელდება.

დემონსტრანტები ამჯერად სერბეთის ცენტრალურ ნაწილში მდებარე ქალაქ კრაგუევაცში შეიკრიბნენ.

სტუდენტების მიერ ორგანიზებულ პროტესტებში მასწავლებლები, იურისტები და სხვა პროფესიის წარმომადგენლებიც მონაწილეობენ.

ამასთან, ოპოზიციური პარტიები და უფლებადამცველი ორგანიზაციები სერბეთის პრეზიდენტს, ალექსანდრ ვუჩიჩს და მის პარტიას ამომრჩეველთა მოსყიდვაში, მედიის თავისუფლების შეზღუდვაში, ოპონენტების მიმართ ძალადობასა და ორგანიზებულ დანაშაულთან კავშირში ადანაშაულებენ.

სერბეთში, უკვე ორი თვეა, საპროტესტო აქციები მიმდინარეობს. აქციები დაიწყო ქალაქ ნოვი სადის რკინიგზის სადგურში მომხდარი ტრაგედიის შემდეგ, როდესაც სადგურის ბეტონის კონსტრუქციის ჩამონგრევას 15 ადამიანი ემსხვერპლა. აქციის მონაწილეები აცხადებენ, რომ ტრაგედიის მიზეზი სამთავრობო კორუფცია და ნეპოტიზმი გახდა, რის გამოც ნაგებობა უსაფრთხოების სტანდარტების დაცვით არ იქნა აგებული. ისინი მოითხოვენ სწრაფ გამოძიებას და მომხდარზე პასუხისმგებლობის აღებას სერბეთის პრეზიდენტის, ალექსანდრ ვუჩიჩისა და მმართველი პარტიის წარმომადგენლების მხრიდან.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა