„მთავარი არხის" ოპერატორის, სერგი ბარამიძის საქმეზე მოსამართლემ წვრილმანი ხულიგნობის ნაწილში ადმინისტრაციული სამართალწარმოება შეწყვიტა, ხოლო მეორე მუხლის, სამართალდამცველის კანონიერი მოთხოვნის დაუმორჩილებლობის ნაწილში ბარამიძე სამართალდამრღვევად სცნო და მას სიტყვიერი გაფრთხილება მისცა.

საქმე ეხება 2024 წლის 19 ნოემბრის ინციდენტს, როდესაც ბარამიძეს საპროტესტო აქციის გაშუქების დროს საპოლიციო ძალებმა ფიზიკურად გაუსწორდნენ და დააკავეს. მიყენებული დაზიანებების გამო სერგი ბარამიძეს სამედიცინო ჩარევა დასჭირდა. აღნიშნულ საქმესთან დაკავშირებით გამოძიება სპეციალურ საგამოძიებო სამსახურში მიმდინარეობს, თუმცა ამ ეტაპზე პოლიციელთა ვინაობა, რომლებიც ძალადობაში არიან მხილებულნი, არ დასახელებულა.

მიუხედავად ამისა, შსს სამინისტრომ,  თავად მსხვერპლი დაადანაშაულა ადმინისტრაციულ სამართალდარღვევაში.

სერგი ბარამიძემ სასამართლოში მის წინააღმდეგ მიმდინარე პროცესის შესახებ მაშინ გაიგო, როდესაც სამსახურებრივი მოვალეობის შესრულებისას სხვა პატიმრების პროცესებს აშუქებდა.

ავტორი: ექსპრესნიუსი,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს