აშშ-ის პრეზიდენტი დონალდ ტრამპი აცხადებს, რომ ილონ მასკს პენტაგონში თანხების არამიზნობრივი ხარჯვის გამოვლენას დაავალებს.

„ძალიან მალე, შეიძლება 24 საათში, ვაპირებ, ვუთხრა ილონ მასკს, რომ განათლების სამინისტრო შეამოწმოს… შემდეგ სამხედრო სფეროში გადავალთ. მოდით, შევამოწმოთ სამხედრო სფერო. ჩვენ აღმოვაჩენთ მილიარდებს, ასობით მილიონი დოლარის თაღლითობასა და თანხების ბოროტად გამოყენების შემთხვევებს“, – განაცხადა ტრამპმა Fox News-ის ჟურნალისტთან ინტერვიუში.

ამასთან, ჟურნალისტმა დონალდ ტრამპს ჰკითხა, ენდობოდა თუ არა მასკს, რაზეც აშშ-ის პრეზიდენტმა უპასუხა: „ილონს ვენდობი? მას ამით არანაირი სარგებელი არ აქვს. პირიქით, მიკვირს როგორ შეუძლია ამდენი დროის დათმობა ამისთვის. ის საკმაოდ ჩართულია ამ საქმეში. იცით, ხალხმა ამისთვის ამირჩია. ხალხს უნდა, რომ მე ეს გამოვიკვლიო“.

ცნობისთვის, პენტაგონის წლიური ბიუჯეტი ტრილიონ დოლარს უახლოვდება. თეთრი სახლის ინფორმაციით, ილონ მასკი, ტრამპის დავალებით, ხელმძღვანელობს ინიციატივას, რომელიც აშშ-ის საჯარო მოხელეების რაოდენობის შემცირებას ისახავს მიზნად. ამ ინიციატივის ფარგლებში, მასკის თანაშემწეებმა სხვადასხვა სამთავრობო უწყების კომპიუტერულ სისტემებში კონფიდენციალურ ინფორმაციაზე წვდომა მოითხოვეს. კრიტიკოსები აცხადებენ, რომ ეს ქმედებები, სავარაუდოდ, უკანონოა და საფრთხეს უქმნის საიდუმლო ინფორმაციას.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს