ტელეკომპანია „მაესტროს“ 25%-იანი წილის მფლობელის მაკა ასათიანის ადვოკატის, გიორგი გვენეტაძის განცხადებით, ისინი როგორც მინიმუმ შეთანხდნენ, რომ შენობა არის სადაო.

გვენეტაძის თქმით, გაჩეჩილაძემ თავისი პოზიციები გააცნო მათ, თუ რას ფიქრობს ის ამ მდგომარეობასთან დაკავშირებით.

„შეთანხმებაზე საუბრი ზედმეტია. მან თავისი მოსაზრებები გაგვაცნო, თუ რას ფიქრობს ის ამ მდგომარეობასთან დაკავშირებით. პირველი, რაზეც შევთანხმდით, მას აქვს უფლება და ცხადია, ჩვენც ყველანაირად ვუწყობთ ხელს რომ შეხვდეს თანამშრომლებს, რათა გააცნოს თავისი მოსაზრებები.

თანამშრომლები უნდა ჩამოყალიბდნენ იმასთან დაკავშირებით, გააგრძელებენ თუ არა თანამშრომლობას, მისაღები იქნება თუ არა მისი პირობები მათთვის. ასევე ვთანხმდებით იმაზე, რომ შენობა, როგორც მინიმუმ არის სადავო. თუ ვერ შევთანხმდებით შემდგომშიც, ბატონი ლევანი არ გამორიცხავს, იჯარაზე ალტერნატიული ფართის მოძიებას“, - აღნიშნა გვენეტაძემ.

მისივე თქმით, ლევან გაჩეჩილაძე იძლევა სრულ პირობას, რომ სარედაქციო დამოუკიდებლობა იქნება შენარჩუნებული.

„მას დრო სჭირდება იმისთვის, რომ გაერკვეს ფინანსურ და ადმინისტრაციულ ვითარებაში და ჩვენს პასუხებზე ჩამოყალიბდეს“, - განაცხადა გვენეტაძემ და დასძინა, რომ ლევან გაჩეჩილაძესთან მოსალაპარაკებლად რამდენიმე ჟურნალისტია შესული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს