რუსეთის ფედერაციის საბჭოს ვიცესპიკერი, კონსტანტინ კოსაჩევი ქართულ ოცნებას ევროსაბჭოს საპარლამენტო ასამბლეიდან (PACE) დელეგაციის გამოწვევისთვის კვლავ აქებს.

"საქართველოს პარლამენტმა PACE-დან თავისი ეროვნული დელეგაცია გაიწვია. გადაწყვეტილება იმსახურებს გაგებასაც და პატივისცემასაც." - დაწერა კოსაჩევმა 3 თებერვალს საკუთარ ტელეგრამ არხზე, მას შემდეგ, რაც ქართული ოცნების პარლამენტის ბიურომ მხარი დაუჭირა საგარეო ურთიერთობათა კომიტეტის მომართვას PACE-ში საქართველოს პარლამენტის დელეგაციის შემადგენლობიდან წევრების გამოწვევის შესახებ.

პოსტის ძირითად ნაწილში კოსაჩევმა გაიმეორა წინადადებები და იდეები, რომლებიც მან 30 იანვარსაც ახსენა.

კოსაჩევმა გააკრიტიკა ევროსაბჭოს საპარლამენტო ასამბლეის მიერ მიღებული რეზოლუციის მოთხოვნები, რომლებიც საქართველოში პოლიტპატიმრების გათავისუფლებასა და ხელახალი არჩევნების დანიშვნას ითვალისწინებდა. მან ასევე არ გამორიცხა, რომ საქართველომ შესაძლოა ევროსაბჭო დატოვოს და მაგალითად რუსეთის გამოცდილება მოიყვანა.

"ჯერ კიდევ სესიის ფარგლებში საქართველოს ფელეგაციამ ეს მოთხოვნა შეურაცხმყოფელად ჩათვალა. აი, გარდაუვალი ფინალიც, თუნდაც ჯერ კიდევ შუალედური იყოს (ევროპის საბჭოდან გამოსვლაც შესაძლებელია - ვიცით, გაგვიცურავს ამ წყალში)." - დაწერა კოსაჩევმა.

კოსაჩევი კვლავ ირწმუნება, რომ საქართველომ "განვითარების სუვერენული გზა" აირჩია, რაც PACE-ს აშფოთებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს