იმედი გვაქვს, რომ C ჰეპატიტის მკურნალობის პროგრამაში საქართველო იქნება მოდელი, რომლის ტირაჟირება მსოფლიოს სხვადასხვა ქვეყნებში განხორციელდება, - ამის შესახებ ამერიკის შეერთებული შტატების ელჩმა საქართველოში, იან კელიმ განაცხადა.

როგორც იან კელიმ აღნიშნა, ეს პროექტი არა მარტო საქართველოსთვის არამედ მთელი მსოფლიოსთვის ძალიან მნიშვნელოვანია. საბოლოოდ იქნება მცდელობა, რომ ყველა ადამიანი განიკურნოს ამ დაავადებისგან და ეს მსოფლიოსთვის მაგალითი იქნება.

"ძალიან მნიშვნელოვანია ის მაჩვენებელი, თუ რა მაღალი შედეგები მივიღეთ ამერიკასა და საქართველოს შორის პარტნიორობისგან. აქ ჩართულია კერძო სექტორი, რომლებიც საკმაოდ ძვირადღირებულ პროდუქტს აწვდიან საქართველოს მთავრობას. ხელისუფლება კი თავის მხრივ საკუთარ რესურსებს აბანდებს, რათა ეს საუკეთესო შანსი გამოიყენოს. ჩვენ ხაზს ვუსვამთ დაავადებათა კონტროლის ცენტრის მუშაობას, შეერთებული შტატების ხელისუფლების წვლილს ამ ძალისხმევის მიმართულებით. აქტიურად ვთანამშრომლობთ საქართველოს მთავრობასთან და მე ვთვლი, რომ მთავრობა მაღალ შეფასებას აძლევს კერძო და საჯარო პარტნიორობის მაგალითებს და მოუწოდებს მათ მეტი ჩართულობისკენ", - აღნიშნა იან კელიმ.

იან კელიმ ყველა ადამიანს მოუწოდებს, ტესტირება გაიარონ, ვინაიდან, შემდეგ მისი დოკუმენტირება მოხდება.

მისივე თქმით, მან ტესტირება პირადადაც ჩაიტარა და შედეგი უარყოფითი იყო. ელჩმა ანალიზი მინისტრის თხოვნით გაიკეთა.

"სამწუხაროდ, როგორც ვიცი, ასობით ათასი ადამიანი არ აღმოჩნდა ისეთივე იღბლიანი, როგორიც მე. მსოფლიოში კი მილიონობით ადამიანი იტანჯება ამ საშინელი დაავადებით. მე ამაყი ვარ, რომ ამერიკის მთავრობა, დაავადებათა კონტროლის ცენტრი ეხმარება საქართველოს, რათა ეს გახდეს პირველი ქვეყანა, რომელმაც აღმოფხვრა ეს უსაშინლესი დაავადება თავის ქვეყანაში. მრავალი თქვენგანი დაადასტურებს, თუ რამდენად საშინელ დაავადებასთან გვაქვს საქმე", - განაცხადა საქარტველოში აშშ-ს ელჩმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს