სოფლის მეურნეობის მინისტრი  ოთარ დანელია,  მინისტრის პირველი  მოადგილე ნოდარ  კერესელიძე და  რაჭა-ლეჩხუმის მხარის გუბერნატორი პაპუნა მარგველიძე სურსათის ეროვნული სააგენტოს რაჭა-ლეჩხუმის რეგიონული  სამსახურის თანამშრომლებს შეხვდნენ და მათ საქმიანობას ადგილზე გაეცნენ.

როგორც „ექსპრესნიუსს“ სოფლის მეურნეობის სამინისტროდან აცნობეს, რაჭა-ლეჩხუმის რეგიონში  თანამედროვე სტანდარტების ოფისის გახსნის შემდეგ,   სამსახურის საქმიანობა მნიშვნელოვნად გაუმჯობესდა და ეფექტიანი გახდა.

უწყების ინფორმაციით,  ადგილობრივ მოსახლეობას საშუალება აქვს ისარგებლოს სურსათის უვნებლობის, ვეტერინარიის და ფიტოსანიტარიის კუთხით არსებული სერვისებით. მომხმარებელთა ინტერესების დაცვის მიზნით სურსათის ეროვნული სააგენტოს სპეციალისტები  სასწავლო დაწესებულებების კვების ბლოკების, სასაკლაოების, სავაჭრო ობიექტების და აგრარული ბაზრების სახელმწიფო  კონტროლს ახორციელებენ. რეგიონში  მნიშვნელოვნად გაიზარდა  ვეტერინარული და ფიტოსანიტარიული ღონისძიებების მასშტაბი.

როგორც სოფლის მეურნეობის მინისტრმა, ოთარ დანელიამ შეხვედრაზე აღნიშნა, სურსათის ეროვნული სააგენტოს რეგიონული ოფისების გაძლიერება და გამართულად მუშაობა, მნიშვნელოვანია მომხმარებლის ინტერესების დაცვისა და ევროკავშირის სტანდარტების დამკვიდრებისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს