2025-01-28 18:31:09, 512 ნახვა
საზოგადოება
თემურ მღებრიშვილი - „ლილოს“ ბაზრობის ტერიტორიაზე ხანძარი ლოკალიზებულია
„ლილოს“ ბაზრობის ტერიტორიაზე ხანძარი ლოკალიზებულია და სალიკვიდაციო სამუშაოები მიმდინარეობს. ამის შესახებ, საგანგებო სიტუაციების სამსახურის უფროსმა, თემურ მღებრიშვილმა განაცხადა.
მისივე თქმით, დამწვარია, როგორც სასაწყობო ფართი, ასევე მაღაზიები.
„ამ დროისთვის „ლილოს“ ბაზრობაზე, დაახლოებით, 5 ათასი კვადრატული მეტრია დამწვარი - როგორც სასაწყობო ფართი, ასევე მაღაზიები. 120-ზე მეტი მეხანძრე-მაშველია მობილიზებული, 22 სახანძრო ავტო ცისტერნა. ამ დროისთვის ხანძარი ლოკალიზებულია და საბედნიეროდ არავინ დაშავებულა. მიმდინარეობს სალიკვიდაციო სამუშაოები“, - განაცხადა მღებრიშვილმა.
ავტორი: ექსპრესნიუსი,
epn.ge (@expressnews.ge)
