27 იანვარს ევროსაბჭოს საპარლამენტო ასამბლეაზე (PACE) რუმინეთის დელეგაციის თავმჯდომარემ, იულიან ბულაიმ საქართველოს 2024 წლის 26 ოქტომბრის საპარლამენტო არჩევნებზე ისაუბრა. ის 26 ოქტომბრის არჩევნებს PACE-ის სადამკვირვებლო მისიის სხვა წარმომადგენლებთან ერთად აკვირდებოდა.

როგორ რუმინელმა დეპუტატმა სესიაზე განაცხადა, PACE-ის სადამკვირვებლო მისიის მიერ შედგენილი და გასული წლის ნოემბერში გამოქვეყნებული ანგარიში "შეშფოთებებს აჩენს [საქართველოს] არჩევნების შედეგების სისწორესა და კონკრეტულად, იმის შესახებ, ნამდვილად ასახავდა თუ არა არჩევნების შედეგები ამომრჩეველთა ნებას". 

ანგარიში ხაზს უსვამს რიგ ხარვეზებს, რომლებმაც "მნიშვნელოვნად შეარყია საარჩევნო პროცესის სამართლიანობა და მისი შედეგების ლეგიტიმურობა კითხვის ქვეშ დააყენა", მათ შორის, პოლიტიკურ პარტიებს შორის კონკურენციის არათანაბარმა პირობებმა, როდესაც, ადმინისტრაციული რესურსების საკუთარი მიზნებისთვის გამოყენების გზით, ცხადი უპირატესობა სწორედ ქართულ ოცნებას მიენიჭა. 

ბულაის თქმით, ანგარიში ასევე ასახავს გაღრმავებულ პოლარიზაციას, საარჩევნო პროცესის გამჭვირვალობის შესახებ გაჩენილ ეჭვებს, სახელმწიფო ინსტიტუტების პოლიტიზებასა და როგორც ამომრჩევლისკენ, ისე აქტივისტებისკენ მიმართულ დაშინებისა და ზეწოლის მცდელობებს. 

"საარჩევნო უბნებთან საეჭვო ადამიანების ყოფნა, რომლებიც თვალყურს ადევნებდნენ და პოტენციურად აკონტროლებდნენ კიდეც ამომრჩევლებს, გამოიწვია შეგრძნება, თითქოს საქართველოში დიდი ძმა გიყურებს". - თქვა ბულაიმ. 

ბულაიმ საუბრისას ასევე აღნიშნა, რომ გასულ წელს მიღებული კანონმა უცხოური გავლენის გამჭვირვალობის შესახებ სამოქალაქო საზოგადოების ორგანიზაციების, დამოუკიდებელი მედიის და, ზოგადად, განსხვავებული აზრის სტიგმატიზება მოახდინა, ხოლო საარჩევნო კოდექსში საკანონმდებლო ცვლილებების "ბოლო წუთას" შეტანამ, ეჭვქვეშ დააყენა საარჩევნო პროცესის გამჭვირვალობის საკითხი. 

რუმინელმა დეპუტატმა საუბრის ბოლოს მოუწოდა ივანიშვილის მთავრობას სხვა ძალებთან თანამშრომლობისკენ, რათა ჩატარდეს ახალი არჩევნები, რომლის ლეგიტიმურობაც კითხვის ნიშნის ქვეშ არ დადგება. 

ავტორი: ექსპრესნიუსი,

სოციალური ქსელები

აზერბაიჯანის მოქალაქე გარდაიცვალა თბილისში, რომელიც „ღირსების მიზნით მკვლელობის“ მსხვერპლი გახდა

ტრამპმა კომუნიზმს აშშ-ის თავისუფლებისთვის „მომაკვდინებელი საფრთხე“ უწოდა

პოლონეთის პრემიერ-მინისტრი უკრაინაში ომზე: მომდევნო თვეები შესაძლოა კრიტიკული იყოს

ტრამპმა გამოაქვეყნა ასდოლარიანი კუპიურის სურათი, რომელზეც მისი ხელმოწერაა გამოსახული