2025-01-20 17:20:17, 523 ნახვა
საზოგადოება
სპეციალურ საგამოძიებო სამსახურთან ჟურნალისტების აქცია მიმდინარეობს
სპეციალურ საგამოძიებო სამსახურთან ჟურნალისტების აქცია მიმდინარეობს. მედიის წარმომადგენლებს ადგილზე მზია ამაღლობელის მხარდამჭერი ბანერი აქვთ მიტანილი და მის პატიმრობას აპროტესტებენ.
ისინი ითხოვენ კოკა კაციტაძესთან შეხვედრასაც და ინფორმაციის მიღებას, რა ეტაპზეა პოლიციელ დგებუაძის მხრიდან ამაღლობელის მიმართ დამამცირებელი მოპყრობის საქმის მოკვლევა.
როგორც დღეს "საიას" ბრიფინგიდან გახდა ცნობილი, საგამოძიებომ ამ საკითხზე გამოძიება დაიწყო.
ჟურნალისტებმა "ბათუმელებისა" და "ნეტგაზეთის" ხელმძღვანელის სოლიდარობის აქცია დღეს დილით, კანცელარიის შენობასთან, მთავრობის სხდომის პარალელურადაც გამართეს.
ავტორი: ექსპრესნიუსი,
epn.ge (@expressnews.ge)
