ვაშინგტონში, პრეზიდენტ ტრამპის ინაუგურაციაზე ვიმყოფები რესპუბლიკელების მოწვევით. პარალელურად, ძალიან ბევრი ღონისძიება ტარდება. სულ ორი დღით ჩამოვედი. რაც მთავარია, საოცარი მხარდაჭერაა, რომელიც აქვს ქართველ ხალხს. განსაკუთრებით იმ უპრეცედენტო მასშტაბის პროტესტის შემდგომ, რომელიც საქართველოშია, – ამის შესახებ კოალიცია „ერთიანობა – ნაციონალური მოძრაობის“ ერთ-ერთმა ლიდერმა, გიორგი ვაშაძემ ვიდეომიმართვაში განაცხადა.

გიორგი ვაშაძის თქმით, დარწმუნებულია, რომ „ახალი არჩევნების დანიშვნის გარდა, სხვა ალტერნატივა ვერ და არ დარჩება თვითმარქვია რეჟიმს“.

„ყველა ხედავს, რომ ჩვენ ერთად ვიბრძვით დემოკრატიული, ძლიერი საქართველოსთვის, რომელიც ევროპისა და ევროატლანტიკური სივრცის ღირსეული წევრი იქნება. კონსენსუსია, ერთი ადამიანიც კი არ მინახავს, რომელსაც აქვს განსხვავებული აზრი, რომ არ შეიძლება, მოხდეს აღიარება ივანიშვილის რეჟიმის, რომ ყველაფერი უნდა გაკეთდეს, რათა ქართველმა ხალხმა რაც შეიძლება მალე დაიბრუნოს ძალაუფლება და დავაბრუნოთ საქართველო დემოკრატიული განვითარების გზაზე. ამისთვის აუცილებელია პოლიტპატიმრების გათავისუფლება, ახალი არჩევნები, რომელიც საფუძველს დაუდებს ივანიშვილის რეჟიმისგან საქართველოს გათავისუფლებას, რის შემდეგაც აღდგება სტრატეგიული პარტნიორობა ამერიკასთან, კიდევ უფრო გაღრმავდება, მეტი ეკონომიკური საინვესტიციო თანამშრომლობა და რაც მთავარია, მეტი მეგობრობა ჩვენს უდიდეს პარტნიორთან – აშშ-სთან. ასე რომ, ივანიშვილისა და „ქართული ოცნების“ მითი, რომ 20 იანვრის შემდგომ მათთვის რამე სასიკეთოდ შეიცვლებოდა, ერთხელ და სამუდამოდ დამთავრდა, დამთავრდება. დარწმუნებული ვარ, სხვა ალტერნატივა, გარდა ახალი არჩევნების დანიშვნისა, ამ თვითმარქვია რეჟიმს ვერ და არ დარჩება. ძალა ერთობაშია და აუცილებლად გავიმარჯვებთ“, – განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა