უკრაინის არმიის პრესმდივნის განცხადებით, პოკროვსკში ვიტარება "სტაბილურია" და უკრაინის დონეცკის რეგიონის ამ ქალაქში რუსეთის ჯარისკაცები არ იმყოფებიან - იმ ფონზეც, როცა შეტევების სამიზნედ ქცეული ქალაქიდან სწრაფად განხორციელდა ბავშვთა ევაკუაცია.

"პოკროვსკში, საკუთრივ ქალაქში, ვითარება არ შეცვლილა. ის სტაბილურია" - თქვა პრესმდივანმა, ვიქტორ ტრეგუბოვმა 18 იანვარს, თუმცა აღიარა, რომ რუსეთის არმია, როგორც ჩანს, კვლავაც აპირებს ქალაქის ალყაში მოქცევას.

"იქ მტერი არ იმყოფება. ჩვენ უკვე მოგვიწია შეწინააღმდეგება ქსელით გავრცელებულ ინფორმაციასთან, რომ თითქოს ისინი ადგილზე ჩავიდნენ. ეს უბრალოდ არ არის სიმართლე" - თქვა ტრეგუბოვმა.

რუსეთის ძალების მხრიდან დაბომბვის ფონზე, რადიო თავისუფლების კორესპონდენტები იუწყებოდნენ, რომ 18 იანვარს ადგილობრივ ხალხს ევაკუაციაში პოლიცია ეხმარებოდა.

პოკროვსკში უწინ 60 000 მოსახლე იყო, ამჟამად, ადგილობრივი ხელისუფლების მონაცემებით, ქალაქში მხოლოდ 7000-მდე ადამიანი რჩება.

პოკროვსკი ლოგისტიკის თვალსაზრისით მნიშვნელოვანი ცენტრია და ბოლო თვეებში ის რუსეთის ძალების სამიზნე გახდა. ქალაქის გარშემო არსებული ვითარება ბუნდოვანი რჩება. ვრცელდება ცნობები დიდ დანაკარგებზე ორივე მხარეს, თუმცა მსხვერპლის შესახებ მონაცემებს არც ერთი არმია არ ასაჯაროებს.

რუსეთის ძალები პოკროვსკს უკვე რამდენიმე კვირაა უახლოვდებიან, თუმცა, ზოგიერთი ანალიტიკოსის აზრით, კრემლმა, შესაძლოა, გადაწყვიტოს ქალაქს გვერდი აუაროს და უკრაინის უფრო სიღრმეში შეეცადოს ტერიტორიის დაკავებას.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა