რუსეთის პრეზიდენტმა, ვლადიმერ პუტინმა და სომხეთის პრემიერ-მინისტრმა, ნიკოლ ფაშინიანმა სატელეფონო საუბრისას ევროკავშირთან დაკავშირებით ერევნის ნაბიჯები განიხილეს, - ინფორმაციას რუსული მედია კრემლის პრესსამსახურზე დაყრდნობით ავრცელებს.

„ნიკოლ ფაშინიანმა ერევნის მიერ ცოტა ხნის წინ ევროკავშირთან ურთიერთობის კონტექსტში გადადგმულ ნაბიჯებთან დაკავშირებული ვითარება განმარტა. რუსეთის ლიდერმა შესაბამისი კომენტარები და შეფასებები გააკეთა“, - აცხადებენ კრემლის პრესსამსახურში.

მათივე ინფორმაციით, გარდა ამისა, პუტინმა და ფაშინიანმა ენერგეტიკის სექტორში თანამშრომლობაზეც ისაუბრეს.

„აღინიშნა მნიშვნელოვანი პრაქტიკული სარგებელი ევრაზიის ეკონომიკური თანამეგობრობის ფარგლებში ერთობლივი მუშაობის შედეგად, მათ შორის სომხეთის ეკონომიკისთვის“, - ნათქვამია კრემლის პრესსამსახურის ინფორმაციაში.

ავტორი: ექსპრესნიუსი,

სოციალური ქსელები

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen

აშშ-ის საჰაერო ძალებმა წყნარ ოკეანეში B-2-დან გაშვებული LRASM რაკეტა გამოსცადეს