აფხაზეთის ომის დროს დაღუპულ 10 მეომრის ნეშტს,  რომელთა  იდენტიფიცირებაც მოხდა, დღეს 16:00 საათზე  ლევან სამხარაულის სახელობის სასამართლო ექსპერტიზის ეროვნული ბიუროდან სამების საკათედრო ტაძარში გადაასვენებენ, ხვალ კი მშობლიურ მიწას მიაბარებენ.

როგორც საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა ჟურნალისტებს განუცხადა, ათიდან 6 ადამიანის ნეშტს ძმათა სასაფლაოზე, 4 ადამიანისას კი-ძეგვში, გარდაბანში და თბილისში საგვარეულო ოჯახის სასაფლაოებზე გადაასვენებენ.

„დღეს მოხდება სამების წმინდა ტაძარში გადასვენება  იმ 10 მეომრის,  რომლებთა გადმოსვენებაც მოხდა აფხაზეთიდან,  ეს პროცესი გრძელდება და ხვალ 10 სამშობლოსთვის დაღუპული გმირი მიებარება მშობლიურ მიწას და უახლოეს ხანებში ველოდებით დაახლოებით 12 იდენტიდფიცირებულ პირს, მთლიანობაში გვაქვს  რამდენიმე ათეული ადამიანი, რომელთა იდენტიფიცირების პროცესიც მიმდინარეობს და წელს ზაფხულში  ველოდებით ასევე რამდენიმე ახალი სამარხის გახსნას  აფხაზეთის ტერიტორიაზე და ძალიან დიდი მადლობა გვინდა ვუთხრათ აფხაზურ მხარეს, რომლებიც მჭიდროდ თანამშრომლობენ აღნიშნულ პროცესში ჩვენთან. დღეს მოხდება გადასვენება. 4 საათზე გამოასვენებენ სამხარაულის ბიუროდან  და მათი დასვენება მოხდება სამებაში და ხვალ მივაბარებთ მიწას. აქდან 6 ადამიანი მიებარება ძმათა სასაფლაოს და 4  ადამიანი, რომელთა მშობლებმაც ისურვეს, რომ მათი საგვარეულო  ოჯახის სასაფლაოებზე იყვნენ დასვენებული,  მათი გადასვენება მოხდება  ძეგვში, გარდაბანში და თბილისში“,-განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს