3 მარტს, დედის დღესთან დაკავშირებით ვაკის რაიონში რეგისტრირებული სოციალურად დაუცველი მრავალშვილიანი დედები უფასო სამედიცინო მომსახურებას მიიღებენ.   

თბილისის მერიის ინფორმაციით, ვაკის მუნიციპალიტეტის გამგეობამ და „დავით აბულაძის ქართულ-იტალიურმა კლინიკამ“ ურთიერთთანამშრომლობის მემორანდუმი გააფორმეს. რაიონის მასშტაბით სოციალურად დაუცველ მრავალშვილიან დედებს, რომლებსაც სამი ან სამზე მეტი შვილი ჰყავთ, უფასო სამედიცინო მომსახურება გაეწევათ. ქალბატონებს ჩაუტარდებათ შემდეგი კვლევები და კონსულტაციები: ქირურგის, ენდოკრინოლოგის, კარდიოლოგის, თერაპევტის, გინეკოლოგის, ნევროპათოლოგის, უროლოგის კონსულტაცია. ასევე, ექოსკოპიური და ოფთალმოლოგიური კვლევები; პაპტესტი, კარდიოგრამის გადაღება და სხვა  სამედიცინო მომსახურება.

„ვფიქრობ, სოციალურად დაუცველი მრავალშვილიანი დედებისათვის დღევანდელი აქცია საუკეთესო მხარდაჭერაა. ვაკის გამგეობასა და „დავით აბულაძის ქართულ-იტალიურ კლინიკას“ შორის გაფორმებული მემორანდუმის ფარგლებში, ვაკის რაიონის მცხოვრებლებისთვის მომავალშიც ჩატარდება მსგავსი აქციები“, -  განაცხადა ნოდარ ტურძელაძემ.

როგორც „დავით აბულაძის ქართულ-იტალიური კლინიკის“ ხელმძღვანელი ხათუნა გარდაფხაძე აღნიშნავს, აქციის ფარგლებში მიღებული სამედიცინო მომსახურების გარდა, სოციალურად დაუცველ მრავალშვილიან დედებს მედიკამენტები და კლინიკის ფასდაკლების ვაუჩერებიც გადაეცემათ. ვაუჩერებით სარგებლობა ქალბატონებს წლის ბოლომდე შეეძლებათ.

აქცია „დავით აბულაძის ქართულ-იტალიურ კლინიკაში“ დილით დაიწყო და ბოლო ბენეფიციარის მიღებამდე გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს