გალის რაიონში ხანძრის შედეგად დაღუპული ხუთი ბავშვი დები იყვნენ, ამის შესახებ ოკუპირებული აფხაზეთის. საგანგებო სიტუაციების ე.წ სამინისტროს უფროსი ლევ კვიცინიამ განაცხადა..

„ხუთივე გოგოა. ნათესავებთან ვამოწმებთ მათ ასაკს. მათ თქვეს, რომ ყველაზე უმცროსი გოგონა რვა თვის იყო, უფროსი 8 წლის“, - განაცხადა კვიცინიამ.

ბავშვების ბებია ცოცხალია, განმარტა სამაშველო სამსახურის უფროსმა. ბავშვების მშობლები სახლში არ იმყოფებოდნენ.

„გოგონების დედა საავადმყოფოში იყო, მამამ მოინახულა. შვილებთან ერთად ერთადერთი ზრდასრული ბებია იყო“, - აღნიშნა ლევ კვიცინიამ.

წინასწარი ინფორმაციით, ხანძრის გამომწვევი მიზეზი ის იყო, რომ ბავშვების ბებიამ გაზქურის დანთებისას ნავთი და ბენზინი აერია.

გავრცელებული ინფორმაციით, შემთხვევა 5 იანვარს დილით მოხდა მრავალშვილიან ოჯახში. მოზარდები სახლში ბებიასთან ერთად იყვნენ. ბებია ხანძარს გადაურჩა.

ადგილობრივების ცნობით, თავდაპირველად ცეცხლი გაუჩნდა ძველ სადენებს ოთახში, სადაც ბენზინი ინახებოდა.

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს