2024-12-30 17:40:52, 554 ნახვა
სამართალი
ქეთი დარახველიძე - ავტორიზაციის საბჭო ვალდებულია ხელახლა განიხილოს ილიაუნის ავტორიზაციის საკითხი
ილიაუნის სააპელაციო საჩივარი დაკმაყოფილდა - ინფორმაციას უნივერსიტეტის კანცლერი ავრცელებს.
ქეთი დარახველიძის განცხადებით, აპელაციის საბჭომ არ გაიზიარა ავტორიზაციის საბჭოს გადაწყვეტილება, მისი თქმით ავტორიზაციის საბჭო ვალდებულია ხელახლა განიხილოს ავტორიზაციის საკითხი.
"აპელაციის საბჭო არ იზიარებს ავტორიზაციის საბჭოს გადაწყვეტილებას. ავტორიზაციის საბჭო ვალდებულია ხელახლა განიხილოს ილიაუნის ავტორიზაციის საკითხი. დიდი მადლობა აპელაციის საბჭოს სამართლიანი გადაწყვეტილებისთვის!"- წერს დარახველიძე.
შეგახსენებთ, ავტორიზაციის საბჭომ 27 სექტემბერს ილიაუნის პირობითი ავტორიზაცია მისცა. საბჭომ ჩათვალა, რომ უნივერსიტეტი ავტორიზაციის მოთხოვნებს სრულად ვერ აკმაყოფილებდა.
ავტორი: ექსპრესნიუსი,
epn.ge (@expressnews.ge)
