თბილისის მერიამ,ყრუ და სმენადაქვეითებული პირებისთვის კომუნიკაციისა და ინფორმაციის ხელმისაწვდომობის გაზრდის მიზნით, ახალგაზრდა თარჯიმან დაქტილოლოგების მომზადების პროექტი დააფინანსა.

როგორც „ექსპრესნიუსს“ თბილისის მერიიდან აცნობეს, თბილისის მერიამ და „ყრუთა კავშირმა“  ჟესტური ენის ახალგაზრდა თარჯიმნების სწავლება-დასაქმების დაფინანსების შესახებ ხელშეკრულება გააფორმეს. 

მერიის ცნობით, ხელშეკრულებას ხელი მოაწერეს ჯანდაცვისა და სოციალური მომსახურების საქალაქო სამსახურის უფროსმა გელა ჩივიაშვილმა და „ყრუთა კავშირის“ თავმჯდომარემ ამირან ბატატუნაშვილმა. ხელშეკრულების ხელმოწერის ცერემონიას დაესწრო თბილისის საკრებულოს წევრი, მერიის შშმ პირთა საკითხებზე მომუშავე საბჭოს აღმასრულებლი მდივანი რატი იონათამიშვილი.

გელა ჩივიაშვილის განცხადებით, 18 ახალგაზრდა სპეციალისტის მომზადებით მერია ჟესტური ენის ინსტიტუტის გაძლიერებას და ახალგაზრდა კადრების მომზადებას უწყობს ხელს.

„ახალგაზრდებს ამ პროფესიის დასაუფლებლად დავაინტერესებთ, რათა მომავალში ყრუ და სმენადაქვეითებულ პირებს შესაბამისი მომსახურება გაუწიონ.ეს არის მნიშვნელოვანი ფაქტორი საზოგადოებაში მათი ინტეგრაციისთვის. მერიამ მსგავსი ხელშეკრულება გასულ წელსაც გააფორმა და მომავალშიც გააგრძელებსამ თემის წარმომადგენელთა მხარდაჭერას“, - აღნიშნა გელა ჩივიაშვილმა.

18 ახალგაზრდა სპეციალისტის მომზადება-დასაქმების პროექტის ბიუჯეტი 19 800 ლარია. პროექტი თბილისის მერიისჯანდაცვისა და სოციალური მომსახურების საქალაქო სამსახურის შშმ პირთა საზოგადოებაში ინტეგრაციისა და სოციალური დაცვის ხელშეწყობის პროგრამის ფარგლებში დაფინანსდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს