ხმელთაშუა ზღვაში რუსული სატვირთო გემი „ურსა მაიორი“ ჩაიძირა. ამის შესახებ ინფორმაციას უკრაინული მედია ესპანურ გამოცემა La Verdad-ზე დაყრდნობით ავრცელებს.

მედიის ცნობით, შემთხვევა ესპანეთის ქალაქ აგილასისა და ალჟირის ქალაქ ორანს შორის, საერთაშორისო წყლებში მოხდა.

მათივე ინფორმაციით, ეკიპაჟის 14 წევრი ესპანეთის საზღვაო სამაშველო სამსახურმა კარტახენას პორტში გადაიყვანა, 2 პირი კი, ამ დრომდე დაკარგულად მიიჩნევა.

La Verdad-ის წყაროების ცნობით, გემზე ორშაბათს, დაახლოებით, 12:30 საათზე აფეთქება მოხდა.

კაპიტანი აცხადებს, რომ ავარიის მომენტში სატვირთო გემზე ცარიელი კონტეინერები იყო.

სატვირთო გემი სანქტ-პეტერბურგიდან 11 დეკემბერს გავიდა, ხოლო 22 იანვარს ვლადივოსტოკში უნდა ჩასულიყო.

არსებობს ვარაუდი, რომ „ურსა მაიორს“ სირიაში რუსული სამხედრო ბაზის ევაკუაციაში უნდა მიეღო მონაწილეობა.

ავტორი: ექსპრესნიუსი,

სოციალური ქსელები

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო

ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში

ახალი კონფლიქტი: ვარშავამ კიევი ისტორიულ პროვოკაციაში დაადანაშაულა