ბიძინა ივანიშვილისა და ემანუელ მაკრონის გუშინდელმა საუბარმა მთლიანად ჩამოშალა ოპოზიცია, ტრამპის და მაკრონის შეხვედრის ფონზე ასეთ ზარს არ ელოდნენ,- ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.

როგორც მდინარაძემ აღნიშნა, სულ მცირე, სამ პრინციპულ საკითხთან დაკავშირებით შეიცვლება აშშ-ის დამოკიდებულება, ერთი საკითხი ეხება უკრაინაში ომის დასრულებას, კიდევ ორი პრინციპული საკითხია „გამჭვირვალობის კანონი“ და „ოჯახური ღირებულებების შესახებ“ კანონი.

მდინარაძის თქმით, აღნიშნულ საკითხებთან დაკავშირებით აშშ-ის არჩეული პრეზიდენტის, დონალდ ტრამპისა და მისი ახალი ადმინისტრაციის პოზიციები „ქართული ოცნების“ პოზიციებს ემთხვევა.

"გუშინდელმა საუბარმა არათუ მათი ნაძალადევი სიხარული გამოიწვია, არამედ მთლიანად ჩამოშალა ოპოზიცია. ისინი არ ელოდნენ ასეთ კომუნიკაციას, მით უმეტეს იმ ფონზე, როდესაც ტრამპის და მაკრონის შეხვედრა შედგა. ამ ფონზე ისინი ასეთ ზარს არ ელოდნენ და რაღაც გადაჭარბებული წარმოდგენები კი არ გვაქვს ამ საკითხებთან დაკავშირებით.

ინაუგურაციის თარიღს ისინი უფრო ამთხვევდნენ, წამოსცდა და ამასობაში უკან ვეღარ დაიხია გახარიამ, მთავარმა „ნაცმა“ ამ შემთხვევაში. ჩვენ ასეთი გადაზედმეტებული მოლოდინები არ გვაქვს ამასთან დაკავშირებით, უბრალოდ ვამბობთ, რომ, სულ მცირე, სამ საკითხში ვემთხვევით ერთმანეთს. ერთი – ტრამპიც ამბობს, რომ უნდა დამთავრდეს ომი უკრაინაში და ეს სუბიექტურად საქართველოს აწყობს, რადგან მის მიმართ წნეხი და მეორე ფრონტში ჩართვის ინტერესი ქრება.

ორი მთავარი საკითხი, რაც პრინციპულ საკითხებად ავიღეთ, არის „გამჭვირვალობის კანონი“ და „ოჯახური ღირებულებების შესახებ“ კანონი და პროპაგანდის აკრძალვა. ამ ორ საკითხთან დაკავშირებით ტრამპის და მისი ახალი ადმინისტრაციის, მისი გარემოცვის პოზიციები აბსოლუტურად ემთხვევა ჩვენსას",- განაცხადა მდინარაძემ, როგორც ამას საზოგადოებრივი მაუწყებელი იტყობინება.

შეგახსენებთ, „ქართული ოცნების“ საპატიო თავმჯდომარე ბიძინა ივანიშვილსა და საფრანგეთის პრეზიდენტ ემანუელ მაკრონს შორის სატელეფონო საუბარი გუშინ, 11 დეკემბერს გაიმართა.

ავტორი: ექსპრესნიუსი,

სოციალური ქსელები

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს

ფეხბურთის მსოფლიო ჩემპიონატის ღია ჩვენებასთან დაკავშირებით, 7 ივლისიდან 21 ივლისის ჩათვლით, პირველი რესპუბლიკის მოედანზე მოძრაობა დროებით შეიზღუდება

კიევში 7 ივლისი გლოვის დღედ გამოცხადდა

როგორ დაბრუნდა ქურდული ესთეტიკა TikTok-სა და მოზარდების სხეულებზე