სასწრაფოდ და დაუყოვნებლივ პასუხისგებაში მიეცნენ ადამიანები, რომლებიც ქუჩაში ახალგაზრდა მომიტინგეებზე ძალადობდნენ,- ამის შესახებ „ძლიერი საქართველოს“ ერთ-ერთმა ლიდერმა, ლევან ცუცქირიძემ 4 ბარიერგადალახული ოპოზიციური პოლიტიკური პარტიის ერთობლივ ბრიფინგზე განაცხადა. 

როგორც ცუცქირიძემ აღნიშნა, „ქართულმა ოცნებამ“ მთელი სახელმწიფო საკუთარი დეზინფორმაციის სამსახურში ჩააყენა.

„მოვითხოთ, რომ სასწრაფოდ და დაუყოვნებლივ პასუხისგებაში მიეცნენ ის ადამიანები, რომლებიც ქუჩაში ძალადობენ ახალგაზრდა მომიტინგეებზე. ყველამ ვნახეთ ფიზიკური ძალადობის კადრები, შემზარავი ვიდეოები, რომლებიც ვრცელდება მთელ საქართველოში და უკვე მთელ მსოფლიოში. ის ხალხი ვერ გაექცევა იმ პასუხისმგებლობას, რომელიც მათ აკისრიათ.

„ქართულმა ოცნებამ“ მთელი სახელმწიფო ჩააყენა საკუთარ დეზინფორმაციის სამსახურში, სამოქალაქო ორგანიზაციების ოფისებში შევარდა, ჩხრეკა, ადამიანები დააკავა. ეს ემსახურება იმას, რომ საზოგადოება დააჯერონ იმაში, რომ თითქოს არსებობს რაღაც კონსპირაცია, რაღაც შეთქმულება, ოფისებიდან იმართება პროტესტები, რომელთა მიზანი არის ქვეყანაში არეულობის მოწყობა და ძალადობის პროვოცირება. ეს ასე არ არის. ვინც ძალადობს ყველამ კარგად ვნახეთ იმ ვიდეოებში, რომლებიც ფართოდ ვრცელდება“,- განაცხადა ლევან ცუცქირიძემ.

ავტორი: ექსპრესნიუსი,

სოციალური ქსელები

უპასუხისმგებლო და უნიჭო ცინიზმი - კირცხალიას გახარიას გუნდში უპასუხეს

ირაკლი კირცხალია - სენეგალში, დეპუტატმა ფეხმძიმე კოლეგას ჩაარტყა ფეხი - ბატონმა გიგა ფარულავამ წარმოადგინოს ორსულობის შესახებ ცნობა

Sky: პრინც ჰარის ბუკინგემის სასახლეში დარჩენის შესაძლებლობა ჩამოერთვა

ბაზისბანკის და საბვეის გემრიელი, ჯანსაღი და საიმედო პარტნიორობა