საბურთალოს რაიონის გამგეობის პროექტის - „შეცვალე დამოკიდებულება“ ფარგლებში, რაიონის ტერიტორიაზე მცხოვრები შეზღუდული შესაძლებლობების მქონე ბავშვებისათვის ნოდარ დუმბაძის სახელობის მოზარდმაყურებელთა თეატრში სპეციალური ღონისძიება გაიმართა. 

ბავშვებმა, რომელთა ტრანსპორტირება გამგეობამ უზრუნველყო, მშობლებთან ერთად იხილეს რევაზ მიშველაძის პიესის მიხედვით დადგმული სპექტაკლი „არ დამივიწყო“. ღონისძიებას ავტორიც ესწრებოდა. პირველად, სწორედ ამ პროექტის ფარგლებში, სპექტაკლის ჟესტების ენით თარგმნა განხორციელდა ყრუ და სმენადაქვეითებული ბავშვებისათვის.

სპექტაკლის შემდეგ სპეციალურად მოწვეულმა მეთოჯინეებმა პროექტის ბენეფიციარებისათვის პატარა სახელოსნო მოაწყვეს, სადაც ბავშვებმა წინასწარ მომზადებული მასალებით თოჯინები და ქაღალდის კონსტრუქციები გააკეთეს.

ღონისძიებას ესწრებოდა საბურთალოს რაიონის გამგებლის მოადგილე გაიოზ ვასაძე. მისი თქმით, პროექტი „შეცვალე დამოკიდებულება“ საბურთალოს რაიონის სკოლებში ხორციელდება და შეზღუდული შესაძლებლობების მქონე თანამოქალაქეების ცხოვრების შესახებ ახალგაზრდებში ცნობიერების ამაღლებას ემსახურება.

„საბურთალოს რაიონის გამგეობამ ორი კვირის წინ დაიწყო კულტურულ-საგანმანათლებლო პროექტი „შეცვალე დამოკიდებულება“, რომლის ფარგლებში მრავალი საინტერესო ღონისძიება დაიგეგმა. დღეს ერთ-ერთ ასეთ ღონისძიებას დავესწარით და თავადაც იხილეთ, რამდენად ემოციური დღე იყო ამ ბავშვებისათვის. აქვე მინდა აღვნიშნო, რომ შშმ პირთა თემატიკაზე სხვადასხვა სახის პროექტებს საბურთალოს რაიონის გამგეობა მომავალშიც განახორციელებს“, - განაცხადა გაიოზ ვასაძემ.

ღონისძიების დასრულების შემდეგ, პროექტის მონაწილე ბავშვებმა მსახიობებთან და პიესის ავტორთან სამახსოვრო ფოტოები გადაიღეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს