ტყიბულის შახტების კონსერვაცია ჩვენთვის მიუღებელია, - ამის შესახებ ტყიბულის მაჟორიტარმა დეპუტატმა ელისო ჩაფიძემ განაცხადა, რომელიც გაფიცულ მაღაროელებთან ჩავიდა.

დეპუტატი მოლაპარაკებას ყველა მხარესთან გამართავს.

„დიდი იმედი მაქვს, რომ მხარეები მოლაპარაკების მაგიდასთან დასხდებიან. ტყიბულის შახტების კონსერვაცია მიუღებელია ჩვენთვის. მხარეებს ვთავაზობ, რომ მემორანდუმი, რომელიც გაფორმებული იყო კომპანიასთან სასამართლოში წავიღოთ სამუშაო პროცესის განახლების პარალელურად,“ - განაცხადა ელისო ჩაფიძემ.

ცნობისთვის, ტყიბულელ მეშახტეთა საპროტესტო აქცია გრძელდება. მაღაროელები და მათი მხრადამჭერები დილიდან ისევ საქნახშირის ადმინისტრაციულ შენობასთან შეიკრიბნენ. აქციის მონაწილეთა მოთხოვნები უცვლელია. ხელფასების 40 პროცენტამდე გაზრდა და სამუშაო პირობების გაუმჯობესება.

კომპანიაში კი აცხადებენ, რომ   ამ ეტაპზე მათ მაღაროელებს მხოლოდ ხელფასების  5%-ით ზრდა შეუძლიათ შესთავაზონ:

"ჩვენს მიერ შეთავაზებული იქნა ის მაქსიმუმი, რაც შეიძლებოდა ამ ეტაპზე გაკეთებულიყო კომპანიის მეირ. დაუყოვნებლივ 5%-იანი ხელფასების ზრდა. ის ციფრი, რაც დასახელებულია, პირდაპირ გეტყვით, არის აუწევადი კომპანიის მიერ", - აცხადებენ კომპანია "საქნახშირში".

კომპანიაში დასძენენ, რომ შექმნილ ვითარებაში უსაფრთხოების მიზნით მენეჯმენტი იძულებულია გარკვეული უბნების კონსერვაცია განიხილოს, რაც მეშახტეებისთვის მიუღებელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს